________________ પધારો સાહેબજી 37. પધારો સાહેબજી યોગ્ય વસ્તુ જરૂર મુજબ શ્રાવક આપી શકે છે. પરંતુ ટેસ્ટફુલ-ચટાકેદાર-ન્યુ આઈટમો આરોગવામાં શોખીન બની ગયેલા માણસોને અભક્ષ્ય ભક્ષણમાંથી પાછા વાળવાનું કામ અશક્ય પ્રાયઃ બન્યું બનવાની સંભાવના હોવાથી તેવો વ્યવહાર ન કરવો. બહારનો મેંદો, બેશન અને તમામ બજારું લોટ અભક્ષ્ય છે. સાંભળવા મુજબ કેટલાક લોટોમાં ફીશ (માછલી) પાવડર પણ નાંખવામાં આવે છે. સડેલા, પલળેલા અનાજમાં ધનેરા-ઈયળો ઘણી પડી ગઈ હોય છે. મોટે ભાગે તેમાંથી મેંદો-બેશન બનાવવામાં આવે છે. મેંદો, રવો (સોજી) અને લોટ બનાવતી મોટી-મોટી ફ્લોર મીલોમાં એના પાઇપો વર્ષોથી ફીટ કરેલા હોય છે, જેના માર્ફત લોટ બધે ફરે છે, તેમાં રીતસરની જીવાતો પડેલી જોવા મળે છે. આવી ફેક્ટરીઓમાં ઊંદરડા-વાંદા અને અન્ય કીડા-જીવાતો પણ અઢળક મરે છે. આઈસ્કીમ તૈયાર બિસ્કીટ-બજારની પીપરો વગેરે અને તૈયાર શરબતો અભક્ષ્ય છે. તળેલા ફરસાણ કે મમરા-સેવ આદિમાં ઉપરથી જો કાચું મીઠું નાંખવામાં આવે તો સચિત્તના ત્યાગીને ન ખપે. - ટામેટાં, પપૈયા, કાકડી, દાડમ, જામફળ, બહુબીજ અને અભક્ષ્ય નથી. પરંતુ રીંગણા, ખસખસ, કોઠીંબડાં, ટીંબરું, કરમદાં પંપોટા, અંજીર, બહુબીજ છે, માટે તે અભક્ષ્ય છે. - કાકડી-ટીંડોરાં આદિ શાક ને વઘારી તુરત જ નીચે ઉતારી દેવાય તો તે અચિત્ત બનતાં નથી, મિશ્ર રહે છે, તેથી તેવા કાચા-પાકાં શાક ન વહોરાવાય જે સંપૂર્ણ ચઢી-સીઝી ગયાં હોય તે જ વહોરાવાય. જેમાંથી તેલ ન નીકળે અને જેના બરાબર બે ફાડા થાય તે તમામ ધાન્ય કઠોળ કહેવાય, તેનાં લીલાં પાંદડાં પણ કઠોળ ગણાય. તેની સૂકવણી પણ કઠોળ ગણાય. ચણા-મગ-મઠ-અડદ-તુવેર-વાલ-ચોળા-વટાણા-ગવારમેથી-મસુર વગેરે કઠોળ છે તેની સાથે કાચાં દૂધ-દહીં-છાસ વપરાય તો દ્વિદળનો દોષ લાગે છે. મૂર્તિપૂજકોમાં કેટલાક ગચ્છવાળા કાચાં દહીં-છાસમાં જ દ્વિદળ માને છે પણ તપાગચ્છની સુવિહિત આચરણા મુજબ કાચું દૂધ પણ દ્વિદળ કરે છે માટે ત્રણે સાથે કઠોળનું મિશ્રણ ટાળવું. સ્થાનકવાસીતેરાપંથીઓ મોટે ભાગે દ્વિદળમાં માનતા નથી, તેથી તેઓના સાધુ-સાધ્વી વહોરવા આવે અને કાચાં દૂધ-દહીં-છાસ તેમજ બેસણ વગેરે કઠોળ માંગે તો તેમને તે ન વહોરાવવું. પ્રેમથી આપણી માન્યતા જણાવવી. અન્ય પ્રાયઃ કેળા સિવાયના દરેક ફળને સુધારીને બીજ કાઢ્યા પછી 48 મિનિટ પછી જ વાપરી શકાય તે પહેલાં વપરાય નહી. સુધારીને ફ્રીજમાં મૂકવાની ભૂલ પણ ક્યારેય કરવી નહીં. - જે વસ્તુ વહોરાવી શકાય તેવી ન હોય તેવી તમામ સચિત્ત વસ્તુઓ એકાસણાં, બિયાસણ આદિ પચ્ચખ્ખણમાં તેમજ સચિત્તના ત્યાગીથી વપરાય નહિ. સંભારમાં કે ભેળમાં દાડમ નાંખ્યા હોય તો તે ન ખપે, કેમકે દાડમના બી ગરમ કરો, સિઝાવો તો પણ સચિત્ત જ રહે છે. સંભારમાં પપૈયાની છીણ-મરચાં વિગેરે નાંખ્યા હોય, ને ચૂલે મૂકેલ ન હોય તો, ન કલ્પે. ફા. સુ. 14 પૂર્વે તલ સાવેલ ન હોય, તો તેવા તલની બનાવેલી વસ્તુઓ ત્યારબાદના આઠ માસ સુધી અકથ્ય છે. ફા. સુ. 15 થી કા. સુ. 14 સુધી કોથમીર, ધાણા, ભાજી, તેમજ બદામ સિવાયનો તમામ મેવો અભક્ષ્ય કહેવાય છે. બદામ પણ ચોમાસામાં આજની ફોડેલી આજે જ ચાલે, બીજા દિવસે અભક્ષ્ય બને છે. આમાં કેટલાક ગ્રુપો અને સમુદાયોની કેટલીક આચરણા જુદી છે, તે અનુભવી પાસેથી જાણી લેવી. આખા કાજુ, આખા લાડવા ન વહોરાવાય. તેના બે ટુકડા કરી વહોરાવાય. કેળામાં થોડુંક રાખીને વહોરાવવું અને વધેલું પોતે કે ઘરમાંથી કોઇએ વાપરી લેવું. સાધ્વીજી ભગવંતોને કેળાના ટૂકડા કરીને જ વહોરાવવા જોઇએ. - દાડમના બીજ બે ઘડી = 48 મિનિટ પછી પણ સચિત્ત જ રહે છે. તે ખપે નહિ. તેનો રસ કાઢી ગરણીથી ગળ્યો હોય તો બે ઘડી પછી અચિત્ત થાય છે અને કણ્ય બને છે. જામફળ :- બીજ વગરનું હોય તો બે ઘડી પછી ખપે, અને તેનું શાક બીજ વગરનું હોય તો ખપે. એના બીજ માટે દાડમનો જ નિયમ છે. ધર્મથી ભ્રષ્ટ સાધુ આલોક તેમજ પરલોક માં નિંદા પામે છે. (ઉત્ત.) ગોચરી-પાત્ર-વસતિમાં આસક્તિ ન કરે તે સાધુ. દિશ.)
