Kalpsutram

Author(s): Bhadrabahuswami,
Publisher: Devchand Lalbhai Pustakoddhar Fund

Page 51

कोटागारेणं पुरेणं अंतेउरेणं जणवएणं जसवाएणं वड्डित्था, विपुलधणकणगरयणमणि-11 मोत्तियसंखसिलप्पवालरत्तरयणमाइएणं संतसारसावइज्जेणं पीइसक्कारसमुदएणं अईव २ अभिवड्डित्था, तएणं समणस्स भगवओ महावीरस्स अम्मापिऊणं अयमेयारूवे अब्भत्थिए चिंतिए पत्थिए मणोगए संकप्पे समुप्पज्जित्था ॥८९॥ जप्पभिइं च णं अम्हं, एस दारए कुच्छिसि गन्भत्ताए वकंते, तप्पभिई च णं अम्हे हिरण्णेणं वड्डामो सुवण्णेणं । धणेणं धन्नेणं रजेणं रटेणं बलेणं वाहणेणं कोसेणं कुट्ठागारेणं पुरेणं अंतेउरेणं । जणवएणं जसवाएणं वड्डामो, विपुलधणकणगरयणमणिमुत्तियसंखसिलप्पवालरत्तरयण-12 माइएणं संतसारसावइज्जेणं पीइसक्कारेणं अईव २ अभिवड्डामो, तं जया णं अम्हं एस दारए । जाए भविस्सइ, तया णं अम्हे एयस्स दारगस्स एयाणुरूवं गुण्णं गुणनिप्फन्नं नामधिज्ज करिस्सामो वडमाणुत्ति॥९०॥ तएणं समणे भगवं महावीरे माउअणुकंपणट्ठाए निच्चले ॥