Kalpniryukti

Author(s): Bhadrabahusuri, Manikyashekharsuri, Vairagyarativijay
Publisher: Shrutbhuvan Sansodhan Kendra

Page 46

कल्पनियुक्तिः
३९. भासणे संपाइमवहो, दुण्णेओ नेहछेओ तइयाए ।
इरिय चरिमासु दोसु वि, अपेहअपमज्जणे पाणा ॥१०॥
काममनुमतार्थं, यद्यपि सर्वकालं-सदा समितेण होतव्वं, तहावि वासासु विसेसो कीरति । जेणं तदा बहुपाणा पुढवी आगासं च ॥८९।।
(३९) (प्रा०चू०) एवं ताव सव्वासिं सामण्णं भणितं । इदाणिं एक्केक्काए पिधप्पिधं असमितस्स दोसा भण्णंति-भासणे० गाहा ।।
__ अणाउत्तं भासं भासंतस्स संपादिमाणं पाणाणं वाघातो भविस्सति । १आदिग्गहणेणं आउक्काय-फुसिताओ सचित्तवातो य मुहे पविस्सति, ततिया णाम एसणासमिती अणाउत्तस्स उदउल्लाणं हत्थमत्ताणं छेदो णाम उदतोल्लविभत्ति दुक्खं णज्जति, चरिमातो णामआयाणनिक्खेवणासमिती पारिट्ठावणियासमिती य । इरियासमिती-अणुवउत्तो सुहमातो मंडुक्कलियादीओ हरिताणि य न परिहरति । आदाणनिक्खेवणासमितीए पारिट्ठावणियासमितीए य अणुवउत्तो पडिलेहणपमज्जणासु दुप्पडिलेहितं दुप्पमज्जितं करेति, ण वा पमज्जेज्ज पडिलेहिज्ज वा । समितीणं पंचण्हवि उदाहरणाणि । इरियासमितीए उदाहरणं
एगो साहू इरियासमितीए जुत्तो । सक्कस्स आसणं चलितं । सक्केण देवमज्झे पसंसितो। मिच्छाद्दिट्ठी देवो असद्दहंतो आगतो । मक्खितप्पमाणातो मंडुक्कलियाओ विउव्वति, पिट्ठतो हत्थिभयं, गति ण भिंदति । हत्थिणा य उक्खिवितुं पाडितो ण सरीरं पेहति सत्ता मारित त्ति जीवदयापरिणतो । अथवा इरियासमितीए अरहन्नतो–देवताए पादो छिन्नो, अन्नाए संधितो य ।
भासासमितीए-साहू णगररोहए वट्टमाणे भिक्खाए निग्गतो पुच्छितो भणति-'बहुं सुणेति कन्नेहिं'
(बहु सुणेति कण्णेहिं बहु अच्छीहिं पेच्छति ।
न य दिटुं सुअं सव्वं भिक्खू अक्खाउमरहति ॥ द०वै०८-२०) सिलोगो । एसणासमितीए णंदिसेणो, वसुदेवस्स पुव्वभवो कथेतव्वो । अहवा इमं दिट्ठिवातियं
(३९) (अव०) भाषायां सम्पातिमानां जीवानां वधः स्यात् । तृतीयस्यां स्नेहच्छेदे
१. अत्र यद्यपि चूर्णिकृता 'आदिग्गहणेणं' इत्याधुक्तं, किञ्चास्यां गाथायाम् आदिपदमेव नास्तीत्यत्र तद्विदः प्रमाणम् । पाठभेदो वा चूर्णिकृदने भविष्यति, न चोपलब्धः सोऽस्माभिः कुत्रचिदप्यादर्श । (पु०) ।