Jain Katha Sangraha Part 06

Author(s): Kalyanbodhivijay,
Publisher: Jinshasan Aradhana Trust

Page 214

श्रीजैन कथासंग्रहः
श्रीमूलदेवनृप
चरित्रम्
॥२२॥
8888888888888
देवाद्विपदमाप्तस्य, कार्यमेवं त्वयाऽपि मे ॥ तदेत्युक्तस्त्वया योऽभू-न्मूलदेवोऽयमस्ति सः ॥ २५१॥ तदिदं व्यसनं वित्त-देहसन्देहसाधनम् ॥ प्राप्तोऽपि त्वं विमुक्तोऽसि, राज्ञा दीनदयालुना ॥ २५२ ॥ वीक्षापन्नोऽथ स श्रेष्ठी, प्रणिपत्य तयोः क्रमान् ॥ इत्युवाचाखिलान्मन्तून्, सहध्वं मे तदाकृतान् ॥२५॥ आगसा कुपितस्तेन, विचारधवलो नृपः ॥ प्रवेशमप्यवन्त्यां मे, युष्मद्वाचैव दास्यति ॥ २५४ ॥ नरदेवोऽवदद्देव-दत्तादेवी यदा त्वयि ॥ प्रसादमकरोन्मन्तु-र्मया सोढस्तदैव ते ॥ २५५ ॥ ततोऽचलः प्रमुदितो, भूयोऽपि प्रणनाम तौ ॥ स्नपयित्वाऽभोजयत्तं, देवदत्ताऽपि सादरम् ॥ २५६ ॥ भूपोऽपि भूरिमूल्यानि, दत्त्वा वासांसि तस्य तत् ॥ शुल्कं मुमोच सन्तो हि, द्विषामप्युपकारिणः ॥ २५७ । दूतं दत्त्वाऽऽत्मनो गन्तु-मवन्त्यां व्यसृजच्च तम् ॥ अवन्तीशो तद्वाचा, प्रवेशं तस्य दत्तवान् ।। २५८॥ विप्रो निघृणशर्माऽपि, प्राप्तराज्यं निशम्य तम् ॥ अगाद्वेण्णातटं मूल-देवभूपं ननाम च ॥ २५९॥ प्रत्यभिज्ञाय भूपोऽपि, तं कृतज्ञशिरोमणिः ॥ अदृष्टसेवया तस्मै, ददौ ग्रामं तमेव हि ॥ २६०॥
अथान्यदा मूलदेवं, महीनाथं 'सदःस्थितम् ॥ एत्य व्यजिज्ञपन् पौरा-चौराकुलितचेतसः ॥२६१।। यच्छास्त्रेषु श्रुतं पूर्व, न तु प्रत्यक्षमीक्षितम् ॥ तद्देव चौर्यमद्यश्वः, पुरे तव भवत्यहो॥ २६२॥ १ विलयः विलखो इति मा.। २ सदः समा। ३. मुनिभ्यः।
888888888888S
॥२२॥