________________
દુનિયાનો સૌથી પ્રાચિન ધર્મ
મહાદેવ કોણ?
ભરતરાજાએ કૈલાસ પર્વત ઉપર સિંહ નિષધા નામનું મંદિર બનાવ્યું, તેમાં ભવિષ્યમાં થનાર ર૩ તીર્થકરોની અને શ્રી રૂષભદેવજીની મળી બધી મળીનેરક પ્રતિમાઓની સ્થાપના કરી, અને દંડરત્નથી પર્વતને એવી રીતે છેલ્યો કે તે ઉપર પગેથી કઈ ચઢી શકે નહિ. વળી ભરતરાજાએ એ પર્વતમાં આઠ પગથી રાખ્યાં અને તે કારણથી કૈલાસ પર્વત અષ્ટા'પદ કહેવાવા લાગ્યો. આ પર્વત ઉપર પ્રથમ તીર્થંકર શ્રી રૂષભદેવ, કે જેની શક્તિ અપાર હતી, અને જેને બધા દેવતાઓ પણ પૂજતા હતા, તેની મૂર્તિ ભરતે સ્થાપન કરી, અને તેને મહાદેવ નામ આપ્યું, અને તેથી રૂષભદેવ એજ મહાદેવ ગણાયા, અને કૈલાસ પર્વત પર તેમની મૂર્તિની સ્થાપના કરવામાં આવ્યાથી મહાદેવ-મોટા દેવ–શ્રી રૂષભદેવનું સ્થાન કૈલાસ પર્વત ગણાય.
ભરત રાજાએ સિંહ નિષધા ચૈત્યમાં ૨૪ તીર્થકરોની મૂર્તિ સ્થાપીને, ૨૪ તીર્થકરની સ્તુતિ કરી અને મહા શેકાગ્નિમાં બળતા વાંકા વળી પાછી નજરે જોતા જોતા અષ્ટાપદ પર્વત ઉપરથી નીચે ઉતર્યો, અને મંદ મંદ ગતિએ અયોધ્યા તરફ ચાલ્યા. વિનતા નગરી સમીપે આવી પહોંચતાંજ, નગરજનોએ તેમને આવકાર આપે, પણ તે છતાં તેમને ભગવાન સાંભરી આવ્યા અને તેમને સંભારતાં સંભારતાં મેધની પેઠે આંસુ વરસાવતા, ભરતરાજા રાજ મહેલમાં પેઠા. દ્રવ્યનો લોભી પુરૂષ જેમ દ્રવ્યનું જ ધ્યાન ધરે, તેમ તેમણે સુતાં, બેસતાં, ઉઠતાં, ઉભા રેહતાં, જાગતાં, બહાર ને અંદર, રાત્રિ, દીવસ, પ્રભુનું જ ધ્યાન ધરવા માંડ્યું, અને તેમના ધ્યાનમાં લીન થવા લાગ્યા.