________________
દા. ત. કાચની બંગડીઓ હોય તો રાગ થોડો થાય, સોનાની બંગડીઓ હોય તો રાગ તેનાથી થોડો વધારે થાય, અને હીરાની બંગડીઓ હોય તો રાગ ઘણો થાય. સામાન્ય ઘર હોય તો રાગ થોડો થાય અને બંગલો હોય તો રાગ વધારે થાય. સુતરાઉ કપડાં હોય તો રાગ થોડો થાય, ટેરેલીનનાં કપડાં હોય તો રાગ ઘણો થાય. સ્ત્રી સામાન્ય રૂપવાળી હોય તો રાગ થોડો થાય, સુંદર રૂપવાળી હોય તો રાગ વધારે થાય, માટે આત્માર્થીએ
રાગ વધે એવી ચીજોને પસંદ ન કરવી. ३०८. न च धर्मार्थं धनोपार्जनं युक्तम् (योगशास्त्र टीका)
અર્થ – ઘર્મ કરવા માટે ધનોપાર્જન યુક્ત નથી. ३०९. धर्मार्थं यस्य वित्तेहा तस्यानीहा गरीयसी ।
प्रक्षालनाद् हि पङकस्य दूरादस्पर्शनं वरम् ।। અર્થ – ધર્મ માટે ધનની ઈચ્છા કરવી તેના કરતાં ધનની ઈચ્છા ન કરવી વધારે સારી છે. કેમકે કાદવમાં પગ નાંખીને પછીથી પાણીથી ધોવો તેના કરતાં કાદવને અડવું જ નહિ એ જ શ્રેષ્ઠ છે. પાપ કરીને પૈસો કમાવવો અને પછી તે પાપને ધોવા માટે પૈસો ધર્મ માર્ગે ખર્ચવો તેના કરતાં પૈસા માટે પાપ જ ન કરવું તે શ્રેષ્ઠ છે. જૈન શાસ્ત્રોમાં દાનનું વિધાન પણ આરંભ અને પરિગ્રહના પાપથી બચવા માટે જ છે. આજે તો કેટલાક કહેવાતા દાનવીરો એક બાજુ દાનનો પ્રવાહ રેલાવતા જાય છે, અને બીજા બાજુ વધુને વધુ આરંભ અને પરિગ્રહમાં ફસાતા જાય છે. આ જીના ખૂબ જ ગંભીર વિચારણા
