________________
ઓધનિયુક્તિનો ઉલ્લેખ છે. મૌર્યવંશના રાજા સંપ્રતિનો ઉલ્લેખ તેમાં થયેલો છે. આ ઉપરાંત સાધુઓના આચાર-વિચારનું વર્ણન છે. તેમાં દૃષ્ટિવાદને ઉભયશ્રુત ગણવતાં દર્શાવે છે કે આમાં દ્રવ્યનુયોગ, ચરણાનુયોગ, ધર્માનુયોગ અને ગણિતાનુયોગનું વર્ણન હોવાથી સર્વોત્તમ સૂત્ર કહ્યું છે. પાદલિપ્તના કાલગુણાગ નામના ગ્રંથનો ઉલ્લેખ આવે છે.
(૬) દશાશ્રુતસ્કંધચૂર્ણિ-આ કૃતિ લધુસ્વરુપની છે. પ્રતિષ્ઠાનના રાજા સાલિવાહન તથા આચાર્ય કાલકની કથા તથા સિદસેનનો તેમાં ઉલ્લેખ છે. તથા આઠમા કર્મપ્રવાહપૂર્વમાં આઠ મહાનિમિત્તનો ઉલ્લેખ મળે છે.
(૭) ઉત્તધ્યયનચૂર્ણિ-તેના કર્તા જિનદાસગણિ મહત્તર છે. નાગાર્જુનીય પાઠનો અનેક સ્થળે ઉલ્લેખ મળે છે. તેમાં શબ્દોની વિચિત્ર વ્યુત્પત્તિયો જોવા મળે છે. તેની ભાષા પ્રાકૃત-સંસ્કૃત મિશ્ર છે.
(૮) આવશ્યકચૂર્ણિ-આના પણ કર્તા જિનદાસગણિ મહત્તર છે. ભાષા અને વિષયની દૃષ્ટિએ આ સ્વતંત્ર ગ્રંથ છે. આ ગ્રંથમા પ્રથમ તીર્થકર ઋષભદેવના જન્મથી માંડીને નિર્વાણ સુધીનો ઈતિહાસ છે. રાજા ભરતના દિગ્વિજય અને તેના રાજ્યાભિષેકનો ઉલ્લેખ છે. મહાવીરના જન્મથી નિર્વાણ સુધીનું વર્ણન છે. મંખલિપુત્ર ગોશાલકનો ઉલ્લેખ થયેલો છે અને શ્રાવસ્તી નગરીમાં ભયંકર રેલ આવ્યાનો ઉલ્લેખ મળે છે.
(૯) દશવૈકાલિરચૂર્ણિ-આના કર્તા જિનદાસગણિ મહત્તર
