________________
આવે છે. વિશેષ નિશીથ ચૂર્ણિમાં જણાવ્યા પ્રમાણે આ ગ્રંથમાં દ્રવ્યાનુયોગ, ચરણાનુયોગ, ધર્માનુયોગ, અને ગણિતાનુયોગના વિષયો હોવાથી છેદસૂત્રોની જેમ તેને ઉભય વિભાગમાં વહેંચવામાં આવી છે. (૧) પરિકર્મ, સૂત્ર, પૂર્વ અનુયોગ અને ચૂલિકા, ઉપર્યુક્ત જણાવેલાં ૧૨ અંગોની વિષયસામગ્રી વર્તમાનકાળે પૂર્ણસ્વરુપે ઉપલબ્ધ નથી. દૃષ્ટિવાદનો પ્રથમ ભાગ પરિકર્મ સાત પ્રકારનો છે. (૧) સિદ્ધ શ્રેણિક પરિકર્મ, મનુષ્ય શ્રેણિક, પુષ્ટ શ્રેણિક, અવગ્રહ શ્રેણિક, ઉપસંપાદન શ્રેણિક, વિપલ્મહ શ્રેણિક, યુતાગ્રુતાશ્રેણિક, સૂત્ર વિભાગના ૮૮ ભેદો છે. પૂર્વો-૧૪ પ્રકારનાં છે-(૧) ઉત્પાદ, અગ્રાયણી, વીર્યપ્રવાહ, અસ્તિનાસ્તિ, જ્ઞાનપ્રવાહ, સત્યપ્રવાહ, આત્મપ્રવાહ, સમયપ્રવાહ, પ્રત્યાખ્યાન પ્રવાહ, વિદ્યાનુપ્રવાહ, અવધૂય, પ્રાણવાહ, ક્રિયાવિશાલ અને લોકબિન્દુસાર. આ ૧૪ પૂર્વોનો વિસ્તૃત વિષય સમવાયાંગની ટીકામાં છે. અનુયોગ બે પ્રકારના બતાવ્યા છે. (૧) મૂલ પ્રથમાનુયોગ (૨) ચંડિકાનુયોગ. સૂત્રવિભાગમાં અન્ય તીર્થિકોના મતમતાંતરનું ખંડન કરવામાં આવ્યું છે. ચૂલિકાની સંખ્યા બત્રીશ બતાવી છે. દૃષ્ટિવાદનો જે વિષય પરિકર્મ, સૂત્ર, પૂર્વ અને અનુયોગમાં નથી બતાવ્યો તે બધાનો સમાવેશ ચૂલિકામાં કર્યો છે. બૃહત્કલ્પનિયુક્તિના જણાવ્યા પ્રમાણે, અભિમાન, ચંચલ સ્વભાવવાળી, અને મંદબુદ્ધિવાળી સ્ત્રીઓને માટે દષ્ટિવાદના અધ્યયનનો નિષેધ કરવામા આવ્યો છે.
