Book Title: Acharopadesh Author(s): Charitrasundar Gani, Kirtiyashsuri Publisher: Pukhraj Raichand Parivar View full book textPage 7
________________ આચારોપદેશ પહેલો વર્ગ જ્ઞાનાનંદ સ્વરૂપ, રૂપરહિત, રક્ષક અને પરમ તેજસ્વી એવા શ્રી પરમાત્માને નમસ્કાર થાઓ. ૧ મનની શુદ્ધિને ધારણ કરતા એવા યોગીપુરુષો જેના સ્વરૂપને ધ્યાનરૂપી દૃષ્ટિથી જુએ છે, તે પરમેશ્વરની હું સ્તુતિ કરું છું. ૨. પ્રાણીયો જે સુખને ઇચ્છે છે તે સુખ તો મોક્ષમાં હોય છે. તે મોક્ષસુખ ધ્યાનથી પ્રાપ્ત થાય છે. ધ્યાન મનની શુદ્ધિથી થાય છે અને મનશુદ્ધિ કષાયો ઉપર વિજય મેળવવાથી થાય છે. ૩. કષાયોનો જય ઈદ્રિયજયથી થાય, ઇદ્રિયજય સદાચારોથી થાય, સદાચારની પ્રાપ્તિ ઉપદેશથી થાય, જે ઉપદેશ મનુષ્યોને ગુણપ્રાપ્તિમાં હેતુ છે. ૪ ઉપદેશથી સદ્બુદ્ધિ થાય, તેના વડે ગુણનો ઉદય થાય, માટે હું આચારોપદેશ નામના આ ગ્રંથની રચના કરું છું. ૫ સદાચારના વિચારથી રુચિકર, ચતુર લોકોને ઉચિત અને દેવને આનંદકારી એવો આ ગ્રંથ પુણ્યાત્માઓએ સાંભળવો. ૬ પુદ્ગલ પરાવર્તી જેવા લાંબા કાળમાં પણ દુર્લભ એવા મનુષ્ય જન્મને પામીને વિવેકથી ધર્મમાં પરમ આદર કરવો જોઈએ. ૭. સાંભળેલો, જોયેલો, કરેલો, કરાવેલો અને અનુમોદેલો એવો ધર્મ સાત-સાત કુળને નક્કી પવિત્ર કરે છે. ૮Page Navigation
1 ... 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68
