________________
પાંચમો વર્ગ
સઘળા જન્મોમાં સારભૂત એવા એ માનવ જન્મને પામી બુદ્ધિમાને સુકૃત (પુણ્ય) કરવા વડે સંપૂર્ણ જન્મને હંમેશા સફળ કરવો જોઈએ. ૧
હંમેશા ધર્મ કરવાથી સુખ પણ નિત્ય મળે છે. (માટે) દાન, ધ્યાન, તપ અને જ્ઞાન આરાધનાથી દિવસને સફળ કરવો જોઈએ. ૨
જીવ પોતાના આયુષ્યના પ્રાયઃ ત્રીજે ભાગે અથવા અંત સમયે આગામી ભવનું શુભ અથવા અશુભ આયુષ્ય બાંધે છે. ૩
આયુષ્યના ત્રીજા ભાગે રહેલો અને બીજ, પાંચમ, આઠમ, અગીયારસ તેમજ ચૌદસ આ પાંચ પર્વશ્રેણિને દિવસે શ્રેયને (ધર્મને) કરતો જીવ નિશ્ચે કરી પોતાનું આયુષ્ય બાંધે છે. ૪
બીજના દિવસે, બે પ્રકારના (સાધુધર્મ-શ્રાવકધર્મ) ધર્મને આરાધતો એવો પ્રાણી સુકૃતની રાશીને ભેગી કરી રાગ અને દ્વેષ આ બેને જીતે છે. ૫
પાંચમની આરાધનાને કરનાર પાંચ પ્રકારના જ્ઞાનને મેળવે છે, પાંચ પ્રકારના ચારિત્ર અને વ્રતોને મેળવે છે અને ચોક્કસ પાંચે પ્રમાદોને જીતે છે. ૬
દુષ્ટ એવો આઠ કર્મોના નાશ માટે આઠમ તિથિ રાખેલી છે. તેની આરાધનાથી આઠે પ્રવચનમાતા (પાંચ સમિતિ અને ત્રણ ગુપ્તિ)ની શુદ્ધિ થાય છે અને આઠે પ્રકારના મદ (અભિમાન) જીતાય છે. ૭
એકાદશીએ બુદ્ધિમાન પુરુષ અગીયાર અંગોને નક્કી કરીને આરાધે છે તેમજ શુભને કરતો શ્રાવકની અગીયાર પ્રતિમાઓને આરાધે છે. ૮
૨૪
