________________
છઠ્ઠો વર્ગ
સુધર્મને કરી શ્રાવક સાંસારિક કાર્યોથી નિવૃત્તિ પામે. સંતોષ રાખ્યા વિના હંમેશા ધર્મકાર્યો કરવા જોઈએ. ૧
ધર્મના પ્રભાવે ઐશ્વર્યને પામી, એ ધર્મને જ હણવાદ્વારા સ્વામીદ્રોહનું પાપ કરનાર પ્રાણીનું ભવિષ્ય સારું ક્યાંથી થાય? ૨
શુદ્ધ બુદ્ધિવાળાએ ભોગ અને મોક્ષને આપનાર એવા દાન, શીલ, તપ અને ભાવ આ પ્રમાણે ચાર ભેદવાળા ધર્મને આરાધવો. ૩.
મહાન લાભની અપેક્ષા રાખ્યા વિના થોડું હોય તો તેમાંથી પણ થોડું આપવું, કારણ કે આપણી ઇચ્છા પ્રમાણે વૈભવ તો કોને ક્યારે થાય ? ૪.
હંમેશા, જ્ઞાન આપવાથી જ્ઞાની બને છે, અભયદાન આપવાથી પોતે નિર્ભય થાય છે, અન્નદાન કરવાથી સુખી થાય છે અને ઔષધનું દાન કરવાથી નિરોગી થાય છે. ૫
દાનથી નહિ પણ પુણ્યથી કીર્તિ થાય છે, કેટલાક કીર્તિને માટે દાન આપે છે. પંડિતો તેને કષ્ટરૂપ માને છે. ૬
વ્યાજથી ધન બમણું થાય, વ્યવસાય વડે ચાર ગણું થાય, ખેતરમાં રોકવાથી સો ગણું થાય જ્યારે સુપાત્રમાં આપવાથી અનંતગણું થાય. ૭
જિનમંદિર-જિનપ્રતિમા-જિનાગમ-સાધુ-સાધ્વી-શ્રાવક-શ્રાવિકારૂપ સંઘ આ સાત પ્રકારના ક્ષેત્રોમાં ઘણા ફળની પ્રાપ્તિ માટે ધનવ્યય કરવો જોઈએ. ૮
૨૮
