________________
હંમેશા સમ્યત્ત્વનું પાલન કરવાથી અને બ્રહ્મચર્ય સહિત વ્રતનું પાલન કરવાથી લોકમાં જે પુણ્ય થાય છે તે શ્રીકલ્પસૂત્રના શ્રવણથી થાય છે. ૨૭
ખરેખર, વિવિધ પ્રકારના દાન અને તપોવડે, તેમજ વિવિધ તીર્થોની ઉપાસના વડે પ્રાણીઓનું જે પાપ નાશ પામે છે તે શ્રીકલ્પસૂત્રના શ્રવણથી નાશ પામી જાય છે. ૨૮
ખરેખર મુક્તિથી શ્રેષ્ઠ કોઈ સ્થાન નથી, શત્રુંજયથી શ્રેષ્ઠ કોઈ તીર્થ નથી, સમ્યગ્દર્શનથી ચડીયાતું કોઈ તત્ત્વ નથી અને શ્રીકલ્પસૂત્રથી અધિકું કોઈ શાસ્ત્ર નથી. ૨૯
દીપોત્સવ દિવસની અમાસના નિર્વાણ પામેલા શ્રીવીરપરમાત્મા અને પડવાને દિવસે કેવળજ્ઞાન પામેલા શ્રીગૌતમસ્વામીજીનું સ્મરણ કરવું જોઈએ. ૩૦
છ (બે ઉપવાસ)કરી દીવાળી પર્વના દિવસે જે શ્રીગૌતમસ્વામીનું સ્મરણ કરે છે તે આ ભવ અને પરભવમાં મહાન ઉદયને પામે છે. ૩૧
પોતાના ગૃહચૈત્યમાં અને સંઘના ચૈત્યમાં વિધિથી શ્રીજિનેશ્વરની પૂજા અને મંગળ દીવો કરી સ્વજન-બંધુઓ સાથે ભોજન કરવું. ૩૨
શ્રીજિનેશ્વરદેવોના કલ્યાણક વાળા પાંચે શ્રેષ્ઠ દિવસોમાં પોતાની શક્તિ અનુસાર જરૂરતમંદ યાચકોને યથોચિત દાન આપવું. ૩૩
આ પ્રમાણે સુપર્વમાં બતાવેલા ઉત્તમ કાર્યો અને સારા આચારના પ્રચારથી આશ્રવના સમૂહને આવવાના માર્ગને ઢાંકનારો અનેક પ્રકારની વિધિથી વધેલી શુદ્ધ બુદ્ધિવાળો એવો શ્રાવક ભોગ, સ્વર્ગસુખ અને મુક્તિસુખને પામે છે. ૩૪
૨૭
