Veer Dharm Pattavali

Author(s): Mangalvijay
Publisher: Hemchand Savchand Shah

Page 37

- प्रदीप
[ ६८७]
अनेकधर्मकार्याणि कारितानि च सूरिणा । सन्मतितर्कन्यायावतारादिकाश्च ग्रन्थकाः || २६१ सर्वोत्तमाश्च विज्ञेयाः, प्रौढयुक्त्या समन्विताः । तन्नामस्मृतिमात्रेण, पापं च परिनश्यति ॥ २६२॥ दक्षिणदेशमध्ये च, सूरीणां स्वर्गवासता । सञ्जाता कालयोगेन, दिवाकरा दिवं गताः ॥ २६३ धन्यास्ते सूरयो ज्ञेयाः, जैनधर्मस्य दीपकाः । अद्यावधि च तन्नाममन्त्ररूपेण गीयते ॥ २६४॥ चन्द्रगच्छादि गच्छाच्च, नामान्तरस्वरूपतः । चतुरशीतिगच्छाश्च, सञ्जाता वाचनादितः ॥ २६५ चन्द्रगच्छादि गच्छाश्च, रूपान्तरेण ते तथा । नामान्तरं स्वरूपेण, विज्ञेया जैनशासने || २६६ ॥ निर्ग्रन्थ प्रथमं नाम, द्वितीयं कोटिकं तथा । चन्द्रगच्छस्तृतीयं च, अभिधानं प्ररूपितम् ॥ २६७ वनगच्छचतुर्थं च अभिधानं निगद्यते ।
।
यतो हि तच्च संजातं, तत्स्वरूपं च लेशतः ॥ २६८
१ ― निर्मन्थ गच्छस्य ।