Shastra Sandesh Mala Part 05

Author(s): Vinayrakshitvijay
Publisher: Shastra Sandesh Mala

Page 251

यदि नर्तयितुं समुत्सुका, रणरङ्गेऽसिनीं पटीयसीम् / यदुपज्ञमदः कलाऽखिला, भरतस्तत्र स किं स्खलिष्यति ? // 42 // अमुनाऽपि जयोद्भवं भवाध्यवसायेन यशस्तमेष्यति / जलदाम्बुपयोनिधाविव, प्रपतत्तत्खलु पूर्णपूरकम् // 43 // इदमस्त्वथ पक्षमेककं, त्रिषु सम्यग् विनिगन्तुमर्हथ / प्रभवे खलु विज्ञपय्य नं, विमलं दौत्यफलं लभामहे // 44 // इति तेषु वितीर्य वाचिकं, स्वविभोरुत्तरलाभकामिषु। ... व्यसृजन् भरतानुजा गिरं, मुखपद्मान्मकरन्दसन्निभान् . // 45 // उचितं भरतेश्वरो नृपै तिपात्रेरभिषिच्यतेऽखिलैः न तु भागभुजः स्वबन्धवः, क्षतिमेष्यन्त्यनुपस्थिता अपि // 46 // निजबन्धुषु बन्धुसम्पदा, प्रमदो यस्तमुदन्तमन्ततः / उदये हृदयेन विस्फुरत्कुमुदं वक्ष्यति कौमुदीपतेः // 47 // उदरम्भरिरेव केवलं, परिभुङ्क्ते स्वयमर्जितां श्रियम् / न कदाचन तां स्वबन्धुषु प्रियबन्धुस्त्वविभज्य रज्यति। ___ // 48 // कृतमस्य निजार्जितश्रियः, प्रविभागैर्निजबन्धुसम्पदः / वडवाग्निरिवाम्बुधेरपः पितृदत्ता अपि यो जिघत्सति // 49 // स्वपरैकमतिविति चेद्, गुरुतृष्णागरलं निजे गले / पितृवेश्मगतो महेश्वरः, कनकेनैव तदैष माद्यतु // 50 // न वयं तु भजामहे ह्यमुं, धृतिभाजः पितृदत्तसम्पदा / नियतत्वविशेषदर्शिनो, न पतामः क्वचनापि संशये // 51 // धृतिरेव हि नः परं प्रति, प्रतिबध्नाति बलप्रवर्तनम् / . बिभृयात्कतमस्तु तेजसा, ननु पञ्चाननसूनुरूनताम् // 52 // अधिकं समुपासितश्च किं, भरतो ब्रूत फलं ददाति [नः] / किमु रक्षति यातुधानतो, मरणान्निःशरणान् भयातुरान् // 53 // 242