Book Title: Parshvapurana
Author(s): Bhudhardas Kavi, Nathuram Premi
Publisher: Sanmati Trust Mumbai
View full book text
________________
आठवाँ अधिकार/१२७
तीनपीट सिर सोहत खरी । किधौं त्रिजग छबि नीची करी || परम सुगंध न बरनी जाय । सुन्दर सिखर धुजा फहराय ||१२०॥ तहां हेम-सिंहासन सार । तेजसरूप तिमिर छयकार || नाना रतन प्रभामय लसैं । जगलछमी प्रति किरनन हसैं ||१२१।। वचनगम्य नहिं सोभा जहां । अंतरीच्छ प्रभु राजें तहां ।। त्रिभुवन पूजित पासजिनेस । ज्यों जगसिखर सिद्धपरमेस ।।१२२।।
दोहा । समवसरन रचना अतुल, ताकौ अति विस्तार || संपति श्रीभगवानकी, कहत लहत को पार ||१२३।।
सोरठा । जिन-बरनन-नभमाहिं, मुनि विहंग उद्यम करें । पै उड़ि पार न जाहिं, कौन कथा नर दीनकी ॥१२४।।
गीता। राजत उतंग असोक तरुवर, पवनप्रेरित थरहरै । प्रभु निकट पाय प्रमोद नाटक, करत मानौं मनहरै ।। तिस फूलगुच्छन भ्रमर गुंजत, यही तान सुहावनी ।
सो जयौ पासजिनेंद्र, पातकहरन जग-चूड़ामनी ॥१२५।। निज मरन देखि अनंग डरप्यौ, सरन ढूंढ़त जग फिस्यौ । कोऊ न राखै चोर प्रभुको, आय पुनि पायन गिस्यौ ।। यों हार निज हथियार डारे, पहुप-बरसा मिस भनी । सो जयौ पासजिनेंद्र, पातकहरन जग-चूड़ामनी ।।१२६।। प्रभु अंग नील उतंग नगरौं, वानि सुचि सीता ढली । सो भेदि भ्रम गजदंत पर्वत, ग्यानसागरमैं रली ।। नय सप्तभंग-तरंग-मंडित, पाप-ताप-विधंसनी ।। सो जयौ पासजिनेंद्र, पातकहरन जग-चूड़ामनी ||१२७॥
Jain Education International
For Private & Personal Use Only
www.jainelibrary.org
Page Navigation
1 ... 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175