Parshvapurana

Author(s): Bhudhardas Kavi, Nathuram Premi
Publisher: Sanmati Trust Mumbai

Page 163

१६२/पार्श्वपुराण
छप्पय ।
कमठ जीव तन छोरि, दुतिय कुरकट अहि जायौ ।। नरक पंचमैं जाय, आय अजगर तन पायौ । धूम प्रभामैं उपजि, भील अति भयौ भयानक | चरम नरक पुनि सिंघ, फेर पंचम भू-थानक ।। पसु जोनि भुंजि महिपाल नृप, देव जोतिषी अवतस्यौ ।। इहि बिध अनेक भवदुख भरे, बैरभाव-विषतरु फल्यौ ।।३१९।।
दोहा । छिमाभाव-फल पासजिन, कमठ बैर फल जान || दोनौं दिसा विलोककै, जो हित सो उर आन ||३२०॥
सोरठा जीव जाति जावंत, सबसौं मैत्रीभाव करि ।। याको यह सिद्धत, बैरविरोध न कीजिये ||३२१।।
सवैया । जो भगवान बखान करी धुनि, सो गुरु गौतमने उर आनी । तापर आइ ठई रचना कछु, द्वादस अंग सुधारस बानी ।। ता अनुसार अचारज संघ, सुधी बलसौं बहु काव्य बखानी । यों जिनग्रंथ जथारथ हैं, अजथारथ हैं सब और कहानी ||३२२।।
दोहा । जितने जैनसिद्धांत जग, ते सब सत्यसरूप ॥ धर्मभावना हेत सब, हितमित सिच्छारूप ||३२३।। कलपित कथा सुहावनी, सुनते कौन अरत्थ ।। लाख दाम किस कामके, लेखन लिखे अकत्थ ।।३२४।।
१ उक्तं चसत्त्वेषु मैत्री गुणिषु प्रमोदं , क्लिष्टेषु जीवेषु कृपापरत्वं । माध्यस्थ्यभावं विपरीतवृत्तौ , सदा ममात्मा विदधातु देव ।।३२३।।