Panch sutrakam with Tika

Author(s): Chirantanacharya, Haribhadrasuri, Jambuvijay, Dharmachandvijay, V M Kulkarni
Publisher: B L Institute of Indology

Page 36

२०
खम्भातनगरात् श्रीशान्तिनाथतालपत्रीयग्रन्थभाण्डागारात् पञ्चसूत्रकस्य प्रतिबिम्ब Micro-Film भाण्डागारव्यवस्थापकानामौदार्यात् सौजन्याच महता परिश्रमेण आदरियाणायामाभिजनेन जितेन्द्रकुमार-मणिलालसंघवीमहोदयेन मजेठीनिवासिना कुमारपालेन चानीतम् ।
। अस्यैव भोगीलाललहेरचन्द-भारतीयसंस्कृतिसंस्थानस्य भूतपूर्वेण अध्यक्षेण ( Director ) 'कुलकर्णी इत्युपाढेन महादेवतनुजनुषा श्रीमता वामनाभिधेन विद्वन्महोदयेन (वा० म० कुलकर्णी Prof. V. M. Kulkarani ) अत्रैव विस्तरेण लिखितायामागलभाषामय्यां वैदुष्यपूर्णायां प्रस्तावनायाम् (Introduction) पञ्चसूत्रकसम्बद्धा बहवो विषया विस्तरेण चर्चिताः। जिज्ञासुभिः साप्यवश्यं विलोकनीया । एवं च आङ्ग्लभाषावेत्तणां पञ्चसूत्रकस्वरूपादिजिज्ञासूनां विदुषां कृते महत् साहायकं श्रीकुलकर्णीमहोदयैर्विहितम् । यदा च तैरध्यक्षपदमलकृतं तदापि महतोत्साहेन अस्य संशोधने मुद्रणे च महदानुकूल्यमनुष्ठितम् । अधुनापि तेषामत्र भूयान् स्वरसः । __पं० श्रीप्रद्युम्नविजयगणिवरैः प्राचीनशास्त्रसंशोधनस्य आवश्यकतामुपयोगितां चाधिकृत्य महत्त्वपूर्ण एको लेखो लिखितोऽस्ति । अत्रैव मुद्रितः सोऽपि लेखो जिज्ञासुभिरवश्यं विलोकनीयः ।
- मम वयोवृद्धायाः परमोपकारिण्याः परमवत्सलायाश्च मातुः साध्वीश्रीमनोहरश्रियः शिष्यायाः साध्वीश्रीसर्यप्रभाश्रियः शिष्यया साध्वीश्रीजिनेन्द्रप्रभाश्रिया द्वितीय-तृतीय-चतुर्थ-परिशिष्टानि निर्मितानि ।
मम परमविनीतेन अन्तेवासिना मुनिश्री धर्मचन्द्रविजयेन सञ्चिताक्षरपत्र प्रफ पठनादिकं सर्वमपि विविध कार्य भक्तिपूर्णन चेतसा सदा विहितम् ।।
एवं विविधैः प्रकारैरस्य ग्रन्थस्य संशोधने सम्पादने प्रकाशने च साहायकविधायिभ्यः सर्वेभ्यः सहस्रशो पन्यवादान् वितरामि ।
एवं परमकृपालूनां परमेश्वराणां देवाधिदेवश्रीशद्धेश्वरपार्श्वनाथप्रभूणां परमोपकारिणां पूज्यपादानां पितचरणानां सदगुरुदेवानां मुनिराजश्रीभुवनविजयजीमहाराजानां च कृपया साहाय्याच्चैव कार्यमिदं सम्पन्न मिति तेषां चरणेषु अनन्तशः प्रणिपातं विधाय, पितृचरणानां पूज्यपादगुरुदेवश्रीभुवनविजयजीमहाराजानां, वयोवृद्धायाः परमपूज्याया मातुः साध्वीश्रीमनोहरश्रियः, मम प्रथमशिष्यस्य वयोवृद्धस्य मनिराजश्रीदेवभद्रविजयस्य च श्रेयसे श्रीहरिभद्रसूरिग्रन्थमालाया इदं प्रथम पुष्पम् , इह वेडयामे श्रीमहावीरजिनप्रसादे विराजमानस्य भगवतः श्रीमहावीर-वर्धमानस्वामिनः करकमलेऽद्य भक्तिभरनिर्भरेण चेतसा निधाय भावतः प्रभुमर्चयित्वा परममानन्दमनुभवामि ।
विक्रमसंवत् २०४१ फाल्गुनशुलतृतीया (ता. २२-२-१९८५) वेड (तालुका-समी) (जिल्ला-महेसाणा) (उत्तर गुजरात)
-इत्यावेदयति पूज्यपादाचार्यमहाराजश्रीमद्विजयसिद्धिसूरीश्वरपट्टालङ्कारपूज्यपादाचार्यमहाराजश्रीमद्विजयमेघसूरीश्वरशिष्यपूज्यपादगुरुदेवमुनिराजश्रीभुवनविजयान्तेवासी
मुनि जम्बावजयः