Nalvilasnatakam

Author(s): Ramchandrasuri, Vijayendrasuri
Publisher: Harshpushpamrut Jain Granthmala

Page 19

२]
नलविलासे
( प्रविश्य ) नटः-भाव ! दत्तः कोऽपि सामाजिकैरभिनयादेशः ?
सूत्रधारः-दत्तः श्रीमदाचायहेमचन्द्रस्य शिष्येण रामचन्द्रेण विरचितं नलविलासाभिधानमाद्यं रूपकमभिनेतुमादेशः।
नट:-भाव ! एतस्यां रामचन्द्रकृतौ सम्भाव्यते कोऽपि सामाजिकानां रसास्वादः ?
सूत्रधारः-मारिष ! सम्भाव्यत इति किमुच्यते ? यतः
प्रवन्धानाधातु नवभणितिवदग्ध्यमधुरान्
कवीन्द्रा निस्तन्द्राः कति नहि मुरारिप्रभृतयः। ऋते रामानान्यः किमुत परकोटौ घटयितुं
रसान् नाट्यप्राणान् पटुरिति वितर्को मनसि नः ॥३॥ अपरं च
प्रबन्धा इक्षुवत् प्रायो हीयमानरसाः क्रमात् । कृतिस्तु रामचन्द्रस्य सर्वा स्वादुः पुरः पुरः ॥ ४ ॥
नटः-भाव ! अयमर्थः सत्य एव । यतःसङ्ख्यायामिव काकुत्स्थ-यादवेन्द्रप्रवन्धयोः । वर्धमानैगुणैरङ्काः प्रथमानतिशेरते ॥ ५॥
किन्तु रघु-यदुचरितं निसर्गतोऽपि रमणीयम् , अतस्तत्र सुकरो रसनिवेशः नलचरितं तु न तथा, ततः साशङ्कोऽस्मि ।