Jaindharmvarstotra Godhulikarth Sabhachamatkareti Krutitritayam

Author(s): Hiralal R Kapadia
Publisher: Bhadrankar Prakashan

Page 137

120 श्रीजैनधर्मवरस्तोत्रम् इत्युक्त्वा मुष्टिमुत्पाट्य चक्रयुतं भवन्तं चूर्णयामि इति ब्रुवन् भरतस्य पार्श्वे गतोऽथो दध्यौ / काव्यम् (पद्मा० स० 17, श्लो० 361-363) "राज्यस्य लोभादमुनेव धिग् धिङ् मयाऽप्यदो भ्रातृवधो विधेयः / न तेन राज्येन ममास्ति कार्य-१मित्थं मयाऽदः क्रियते यदर्थम् // 1 // उप० लोभेन कोपेन विनिर्जितेऽस्मिन्, जितेऽति को मे प्रमदो मदो वा / याभ्यां जितोऽसावहमप्यहो चेत्, ताभ्यां जितोऽस्मात् किमु गौरवं तत् ? // 2 // उप० राज्येऽपि लोभं भरतेऽपि कोपं, त्यक्त्वा ततस्तातपथं प्रपद्ये।। चेद् राज्यलक्ष्मीः परिणामरम्या, तत्याज तातोऽपि कुतस्तदेताम् ? // 3 // इन्द्रवज्रा इदं गदित्वा बाहुबलिः पूर्वोत्पाटितमुष्टिना शिर:केशान् समूलमुन्मूलयति स्म / आत्तव्रतस्य तस्योपरि देवैः पुष्पवृष्टिश्चक्रे / कथं लघुबान्धवान् नमामि ? / तत उत्पादितकेवलस्तातपादान्तं गमिष्यामि / तत्रैव प्रतिमां प्रपन्नः भरतस्तं प्रणम्य स्वस्थानं जगाम / स राजर्षिः प्रावृट्कालेऽपि निष्कम्प आसीत् / काव्यम् (पद्मा० स० 17, श्लो० 393, 394, 392) "तस्य वल्लिकुलकुञ्जनिकाये-ऽभूत् खगैः कृतकुलायनिकाये / वैरिणोविहगयोरविरोध-श्छायया दलततेरविरोधः // 1 // स्वागता तत्र वल्लिवलयेन सङ्कले, खेलनं खगकुलस्य रक्षया / बिभ्रतां फणभृतां फणव्रजैः, पल्लवद्विगुणता व्यतन्यत // 2 // रथो० पावित्र्यं परमद्धिबाहुबलिनः साधोः समाराधये ___ यस्यांहिद्वयसेवया ध्रुवमभूद् दर्भेऽद्भुता पूतता। किं ब्रूमो जगतोऽपि हि व्यवहतौ तेनार्हतामप्यसौ. __ प्राक् पीठे स्नपनेऽप्यपावनकृतिप्रष्ठः प्रतिष्ठास्वभूत् // 3 // " शार्दूल० ___ इत्येवं वर्षान्ते श्रीऋषभजिनेन प्रेरिताभ्यां ब्राह्मी-सुन्दरीभ्यां तत्रागत्य वने कार्योत्सर्गस्थो बाहुबलिरिति प्रोक्तः-गजारोहणं त्यज, तदा तव केवलज्ञानं भवष्यति ऋषभस्वामिना प्रोक्तमस्तीति स्वस्थानं गते ते / अथ बाहुबलिश्चिन्तयति स्म-ज्ञातं मया, मान एव गजः / अधुनाऽनेन सृतम् / सर्वान् लघूनपि प्रव्रज्यावृद्धान् वन्दे / एवं चित्ततोऽभिमानं मुक्त्वा यावत् पादमुदक्षिपत् तावत् त्रुटितघनघातिकर्मा केवलज्ञानं प्राप / अथ साधुवेषं देव्या दत्तं प्राप्य केवलज्ञानी इत्येव ऋषिमण्डलवृत्तौ प्रोक्तमस्तीति समवसरणे गत्वा प्रदक्षिणां दत्त्वा तीर्थाय नमः कृत्वा स मुनिः केवलिसभां भेजे / क्रमेण श्रीवृषभेण सम 'मष्टापद गिरौ मुक्तिं जगाम / इति बाहुबलिसम्बन्धः / इति एकोनचत्वारिंशत्तमवृत्तार्थः // 39 // 1. पद्मा० 361 तमे पद्ये तु 'मकार्यमित्थं क्रियते' इति पाठः / 2. विहितनीडमन्दिरे।