________________
શ્રી રામચન્દ્રજીના શરણે જવું, વિશાળ ભૂમિ પર બંને સૈન્યોની જમાવટ, વિસ્તારથી કરાયેલું યુદ્ધનું વર્ણન પણ વિવેકપૂર્વક વિચારાય તો વૈરાગ્યની પ્રાપ્તિનું કારણ બને. યુદ્ધભૂમિમાં શ્રી રાવણ-શ્રી બિભીષણનો પરસ્પર વાર્તાલાપ, અમોઘ વિજયાશક્તિ અને શ્રી લક્ષ્મણજીની મૂચ્છ, વિશલ્યાના તપનો પ્રભાવ, રાવણની મૂંઝવણ, તેની માંગણી અને શ્રી રામચન્દ્રજીનો ઉત્તર મત્રીઓની રાવણને સલાહ, બહુરુપ વિદ્યાને સાધવાનો રાવણનો નિર્ણય, શ્રી શાંતિનાથ પ્રભુના પ્રાસાદમાં રાવણનું ધ્યાનારુઢ થવું, વિવેકભરી પ્રભુપ્રાર્થના અને ઉપદ્રવો વચ્ચે નિર્ચાળતા આ બધું ખૂબ જ રોમહર્ષક વર્ણન અનેક ભાવોમાં ખેંચી જાય તેવું હોવા છતાં પ્રવચનકારશ્રીના પુણ્યવચનો આપણને ધર્મધ્યાનમાં ઘસેડી લાવે તેવા છે.
આપત્તીના કાળે પણ સમ્યગ્દષ્ટિ આત્માની મનોદશાનું તત્ત્વપૂર્ણ વિવેચન શાંતચિત્તે વિચારવા જેવું છે. સીતાદેવીના અભિગ્રહથી રાવણની વૃત્તિમાં પરિવર્તન આવ્યું પણ ભવિતવ્યતાએ તેઓને અહંભાવથી પાછા ન પડવા દીધા, અંતે શ્રી લક્ષ્મણજીના હાથે શ્રી રાવણનો વધ, પાપાનુબંધી પુણ્યની પરિણામ દારુણતા, જૈન શાસનનાં ચરિત્રો-વક્તા-શ્રોતા આદિની વાતો ખૂબ જ પ્રેરક છે. શ્રીમતી મદોદરી આદિ રાણીઓ કુંભર્ણ-ઇન્દ્રજિત આદિની દીક્ષા બિભીષણનો રાજ્યાભિષેક, આર્યપત્નીઓના કર્તવ્યો, જંબુકુમારનો પ્રસંગ અને દીક્ષા ધર્મનો વિધિમાર્ગ વિસ્તારથી શાસ્ત્રોના રહસ્યોને રજૂ કરતાં વર્ણવાયો છે.
સદગુરુચરણ સેવાદેવાકી દ્ધિ.વૈશાખ વદ-૧૧, વિ.સં.૨૦૬૬. આચાર્ય વિજય શ્રેયાંસપ્રભસરિ સિદ્ધાંતમહોદધિ સ્વ.પરમગુરુવર સ્વર્ગતિથિ. થરા
