Anusandhan 2013 09 SrNo 62

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 10

ओगस्ट - २०१३
पाल्हणसीहकुलंबरहंस ! सोहिणिदेविउअरसिरिहंस ! | अवगयपंचपगारंतराय ! जय सिरिदेवसुंदरसूरिराय ! ॥१॥ गुणकेरववणबोहणचंद ! उम्मूलियभवभूरुहकंद! । पवरसुलक्खणमंडियकाय ! जय सिरिदेवसुंदरसूरिराय ! ॥२॥ जणमणवंछिअवरसुरसाल ! घणनिम्मलगुणगणसुविसाल ! । बहुलपावधूलीभरवाय ! जय सिरिदेवसुंदरसूरिराय ! ॥३॥ कुंदुज्जलकलजससंभार ! निज्जियनिम्मलतरवरहार ! । अमलकमलदलकोमलपाय ! जय सिरिदेवसुंदरसूरिराय ! ॥४॥ वाणीमधुरिमनिज्जियवीण ! जगजणनित्थारणसुपवीण ! । पगडियकम्मक्खयवरुवाय ! जय सिरिदेवसुंदरसूरिराय ! ||५|| जिणसासणरहधुराधुरीण ! निअयपयावांचलिहिं अरीण ! । भंसिअभूरभवंतरमाय ! जय सिरिदेवसुंदरसूरिराय ! ॥६॥ नवधाराधरविसिमिरघोस ! नासिअसयलमहीअलदोस ! । पवरपी(पि)यंकरउत्तरआय ! जय सिरिदेवसुंदरसूरिराय ! ॥७॥ चरणकरणखंडिअसंसार ! घणकरुणारसगुणकासार ! । दिन्नमणोभवभूवअवाय ! जय सिरिदेवसुंदरसूरिराय ! ॥८॥ दंभरसातलदारणसीर ! भग्गनयणनरवइनासीर ! । अमियरसोवममहुरिमवाय ! जय सिरिदेवसुंदरसूरिराय ! ॥९॥ चारित(त्त?)लच्छीलीलागार ! धम्मनयररक्खणपायार ! । हिमकिरणोवमवरगुणजाय ! जय सिरिदेवसुंदरसूरिराय ! ॥१०॥ निम्मलजलस(जस)संपूरिअलोअ ! सुमणी(मुणि)अजगजणमणआलोअ ! । निज्जियदुद्धरभूरिकसाय ! जय सिरिदेवसुंदरसूरिराय ! ॥११।। ताविअकंचणसंनिहदेह ! मंगलवल्लिअवणवरमेह ! । नासिअनिअजणसयलवसाय ! जय सिरिदेवसुंदरसूरिराय ! ॥१२॥