Agam Suttani Satikam Part 23 Dashashrutskandh Aadi 3agams

Author(s): Dipratnasagar, Deepratnasagar
Publisher: Agam Shrut Prakashan

Page 215

२१२
मू. (८४७)
मू. (८४८)
मू. (८४९)
मू. (८५०)
मू. (८५१)
मू. (८५२)
मू. (८५३)
मू. (८५४)
मू. (८५५)
मू. (८५६)
मू. (८५७)
मू. (८५८)
मू. (८५९)
मू. (८६०)
मू. (८६१)
मू. (८६२)
मू. (८६३)
महानिशीथ - छेदसूत्रम् - ६/-/८४७
तस्स पवट्ठे मे भोगऽहलं खलिय-कारणं । भव-भय-भीओ तहा वि दुयं सो पव्वज्जमुवागओ ॥ पायालं अवि उड्डमुहं सग्गं होज्जा अहो मुहं । नो उणो केवलि - पन्नत्तं वयणं अन्नहा भवे ॥ अन्नं सो बहूवाए वा सुय-निबद्धे वियारिडं । गुरुणो पामूले मोत्तूणं लिंगं निव्विसओ गओ ।। तमेव वयणं सरमाणो दंत- भग्गो स-कम्मुणा । भोगहलं कम्मं वेदेइ बद्ध-पुट्ठ-निकाइयं ॥ भयवं ते केरिसोवाए सुय-निबद्धे वियारिए । जेणज्झिऊणं सामन्नं अज्ज वि पाने धरेइ सो ॥ एते ते गोयमोवाए केवलीहिं पवेइए । जहा विसय-पराभूओ सरेज्जा सुत्तमिमं मुनी ( तं जहा - ) । तवमट्ठगुणं घोरं आढवेज्जा सुदुक्करं ।
जया विसए उदिज्जंति पडनासण-विसं पिबे ॥ काउं बंधिऊण मरियव्वं नो चरित्तं विराहए । अह एयाई न सक्किज्जा ता गुरुणो लिगं समप्पिया ॥ विदेसे जत्थ नागच्छे पउत्ती तत्थ गंतूण । अनुव्वयं पालेज्जानो णं भविया निद्धंधसे ।। ता गोयम नंदिसेनेनं गिरि-पडणं जाव पत्थुयं । ताव आयासे इमा वाणी पडिओ वि नो मरिज तं ॥ दिसा मुहाई जा जोए तापेच्छे चारणं-मुनि । अकाले नत्थि ते मच्चू विसमवि स मादितुं गओ ॥ ता व अन-हियासेहिं विसएहिं जाव पीडिओ। ताव चिंता समुप्पन्ना जहा किं जीविएण मे ॥ कुंदेंदु - निम्मलय-रागं तित्थं पावमती अहं । उड्डाहेंतो य सुज्झिस्सं कत्थं गंतुमनारिओ ॥ अहवा स-लंछणो चंदो कुंदस्स उन का पहा । कलि-कलुस-मल-कलंकेहिं वज्जियं जिन-सासनं । ता एवं सयल-दालिद्द-दुह-किलेस-क्खयंकरं । पवयणं खिसाविंतो कत्थ गंतूणं सुज्झिहं ॥ दुग्गकं गिरि रोढुं अत्ताण चुन्निमो धुवं । जाव विसय-वसेनाहं किंचिऽत्थुड्डाहं करं ।। एवं पुणो वि आरोढुं ढंकुच्छिन्नं गिरीयडं । संवरे किल निरागारं गयणे पुनरवि भाणियं ॥