Agam Suttani Satikam Part 23 Dashashrutskandh Aadi 3agams

Author(s): Dipratnasagar, Deepratnasagar
Publisher: Agam Shrut Prakashan

Page 246

अध्ययनं : ७, (चूलिका-१)
२४३
बल-वीरिय-पुरिसयार-परक्कमे असढत्ताए अदीन-मानसे अनसनाइ स-बज्झातरं दुवालसविहं तो- कम्मं गुरूणं अंतिए पुनरवि निदृंकिउणं सुपरिफुड काऊणं तह त्ति अभिनंदित्ताणं खंडखंडीविभत्तं वा एग-पिंड-ट्ठियं वा न सम्मं अनुचिट्ठेज्जा से णं अवंदे से भयवं के णं अट्ठेणं खंडखंडीए काउमनुचेद्वेजा गोयमा जे णं भिक्खू संवच्छरद्धं चाउमास खमणं वा एक्को काऊणं न सक्कणोइ से णं छट्ट-ट्ठम-दसम-दुवालसद्ध-मास-खमणेहिं णं तं पायच्छित्तं अनुपवेसेइ अन्नमवि जं किं चि पायच्छित्तानुयं एते णं अत्थेणं खण्ड-खण्डीरू समनुचेट्ठे एवं तुं समोगाढं किंचूणं पुरिवडुं
एयावसरम्मि उ जे णं पडिक्कमंते इ वा वंदंते इ वा सज्झाय करते इ वा संचरते इ वा परिभमंते इ वा गए इ वा ठिए इ वा बइट्ठलग्गे इ वा उट्ठियल्लगे इ वा तेउ-काएण फुसियल्लगे भवेज्जा से णं आयंबिलं न संवरेज्जा तओ चउत्थं, अन्नेसिं तु जहा जोग्गं जहेव पायच्छित्ताणं पविसंति तहा ससत्ती तवो-कम्मं नाट्ठिएइ तओ चउगुण पायच्छित्तं तं एवं बीय- दियहे उवइसेज्जा जेसिं चणं वदताण वा पडिक्कमंताण वा दीहं वा मज्झारं वा छिंदिऊणं गयं हवेज्जा तेसिं च णं लोय-करणं अन्नत्थगमणं तं माणं उग्ग-तवाभिरमणं एयाइं न कुव्वंति तओ गच्छ बज्झे जेणं तु तं महोवसग्गसाहगं उप्पाइगं दुन्निमित्तं अमंगलावहं हविया जो णं पढम-पोरिसीए वा बीय- पोरिसीए वा चकमणियाए परिसक्किरेज्जा अगालसन्निए इ वा छड्डिकडे इ वा से णं जइ चउव्विहेणं न संचरेज्जा तओ छट्टं दिया थंडिले पडिलेहिए राओ सन्नं वोसिरेज्जा समाहीए इ वा एगासनगं गिलानस्स अन्नेसिं तु छट्ठ एव जइ णं दिया न थंडिल्ल पञ्चुप्पेहियं नो णं समाही संजमिया अपचुप्पेहिए थंडिल्ले अपच्चुप्पेहियाए चेव समाहीए रयणीए सन्नं वा काइयं वा वोसिरेज्जा एगासणगं गिलाणस्स सेसाणं दुवालसं अहा णं गिलानस्स मिच्छुक्कडं वा एवं पढम-पोरिसीए बीय- पोरिसीए वा सुत्तत्थ - अहिज्जनं मोत्तू जेणं इत्थी कहं वा भत्त-कहं वा देस कहं वा राय कहं वा तेन कहं वा गारत्थिय-कहं वा अन्नं वा असंबद्धं रोद्दट्टज्झाणोदीरणा कहं पत्थावेजा वा उदीरेज वा कहेज्ज कहावेज वा से गं संवच्छरं जाव अवंदे अह णं पढम-बीय- पोरिसीए जइ णं कयाई महयां कारण-वसेणं अद्ध घडिगं घडिगं वा सज्झायं न कयं तत्थ मिच्छुक्कडं गिलानस्स अन्नेसिं निव्विगइयं दढ-निङ्कुरं तेन वा गिलाणेण वा जइ णं कहिं चि केणइ कारणेणं जाएणं असई गीयत्थ- गुरुणा अणणुन्नाएणं सहसा कयाई बइ-पडिक्कमणं कयं हवेज्जा तओ मासं जाव अवंदे चउ-मासे जाव मुणेव्वयं णं पढम-पोढिताए अणइक्कंताए तइय-पोरिसीए अइक्कंताए भत्तं वा पानं वा पडिगाहेज्ज वा परिभुंजेज्जा वा तस्स णं पुरिवहणं चेइएहिं अवंदिएहिं उवओगं करेजा पुरिवहं गुरुणो अंतिए न उवओगं करेजा चउत्थं अकएणं उवओगेणं जं किंचि पडिगाहेज्जा चउत्थं अविहीए उवओगं करेजा खवणं
भत्तट्ठाए वा पानट्ठाए वा भेसज्जट्ठाए वा सकज्ज्रेण वा गुरु-कज्रेण वा बाहिर-भूमीए निग्गच्छंते णं गुरुणो पाए उत्तिमंगेण संघट्टेत्ताणं आवस्सियं न करेज्जा पविसंते घंघसालाइसु णं वसही दुवारे निसीहियं न करेज्जा पुरिवहुं सत्तण्हं कारण-जायाणं असई वसहीए बहिं निगच्छे गच्छ-बज्झो एगो गच्छे उवट्ठावणं अगीयत्थस्स गीयत्थस्स वा संकणिज्जस्स वा भत्तं वा पानं वा भेसज्जं वा वत्थं पत्तं वा दंडगं वा अविहीए पडिगाहेज्जा गुरूणं च न आलोएज्जा तइय-वयस्स छेदं मासं जाव अवदे मूणेव्वयं च भत्तट्ठाए वा पानट्ठाए वा भेसजट्ठाए वा सकज्ज्रेण वा गुरु-कज्रेण वा पविट्ठो गामे वा नगरे वा रायहानीए वा तिय- चउक्क-चच्चर-परिसा-गिहे इ वा तत्थ कहं वा विकहं वा पत्थावेजा