Agam Suttani Satikam Part 23 Dashashrutskandh Aadi 3agams

Author(s): Dipratnasagar, Deepratnasagar
Publisher: Agam Shrut Prakashan

Page 259

२५६
महानिशीथ - छेदसूत्रम् - ७ (१)/-/१४८३
दसविहस्स णं समणधम्मस्स नवण्हं चेव बंभगुत्तीणं अट्ठण्हं तु पवयण-माईणं सत्तण्हं चेव पानपिंडेसणाणं छण्हं तु जीवनिकायाणं पंचण्हं तु महव्वयाणं तिण्हं तु चेव गुत्तीणं जाव णं तिण्हमेव सम्मद्दंसण-नाण-चरित्ताणंतिण्हं तु भिक्खू कंतार-दुभिक्खायंकाईसुणं सुमहास- मुप्पन्नेसु अंतोमुहुंत्तावसेस-कंठग्गय-पाणेसुं पिणं मनसा वि उ खंडणं विराधनं न करेज न कारवेज्जा न समनुजाणेज्जा जाव णं नारभेज्जा न समारभेज्जा जावज्जीवाए त्ति से णं जयणाए भत्ते से णं जयणाए धुवे सेणं जयणा दक्खे से णं जयणाए-वियाणे त्ति गोयमा सुसढस्स उ न महती संकहा परमविम्हय-जणणी य
अध्ययनं -७- चूलिका-१-समाप्त। अध्ययनं ८ / चूलिका-२
मू. (१४८४) से भयवं केणं अट्टेणं एवं वुच्चइ ते णं काले णं ते णं समएणं सुसढनामधेजे अनगारे हभूयवं तेनं च एगेगरस णं पक्खंस्संतो पभूय-ट्ठाणिओ आलोयणाओ विदिन्नाओ सुमहंताई च अच्चंत - घोर- सुदुक्कराइं पायच्छित्ताणं समनुचिन्नाई तहा वि तेनं विरएणं विसोहिपयं न समुवलद्धं ति एतेनं अट्ठेणं एवं वुच्चइ से भयवं केरिसा उ णं तस्स सुसढस्स वत्तव्वया गोयमा अत्थि इहं चेव भारहेवासे अवंती नाम जणवओ तत्थ य संबुक्के नामं खेडगे तम्मि य जम्मदरिद्दे निम्मेरे निक्किवे किविणे निरनुकंपे अइकूरे निक्कलुणे नित्तिसे रोद्दे चंडरोद्दे पयंड- दंडे पावे अभिग्गहिय-मिच्छादिट्ठी अनुच्चरिय-नामधे सुज्जसिवे नाम धिज्जाई अहेसि तस्स य धूया सुज्जसिरी साय अपरितुलियसयलतिहुयण-नर-दारिगणा लावन्न - कंति - दित्ति - रूव-सोहग्गाइसएणं अनोवमा अत्तगा तीए अन्नभवंतरम्मि इणमो हियएणं दुचिंतियं अहेसिं जहा णं सोहणं हवेज्जा जइ णं इमस्स बालगस्स माया वावज्जे तओ मज्झ असवक्कं भवे एसो व बालगो दुज्जीविओ भवइ ताहे मज्झ सुयस्स य रायलच्छी परिणमेज्जत्ति तक्कम्प-दोसेणं तु जायमेत्ताए चेव पंचत्तमुवगया जननी तओ गोयमा ते णं सुज्झसिवेणं महया किलेसेणं छंदमाराहामाणेणं बहूणं अहिणव-पसूय-जुवतीणं धराधरिं थन्नं पाऊणं जीवाविया सा बालिया अहन्नया जाव णं बाल-भावमुत्तिन्ना सा सुज्ञ्जसिरी तावणं आगयं अमाया-पुत्तं महारोररवं दुवालस-संवच्छरियं दुभिक्खं ति जाव णं फेट्टाफेट्टीए जाउमारद्धे सयले वि णं जनसमूहे अहन्नया बहु-दिवस- खुहत्तेणं विसायमुवगएणं तेन चिंतियं जहा
किमेयं वावाइऊणं समुद्दिसामि किं वा णं इमीए पोग्गलं विक्किणिऊणं चैव अन्नं किंचिवि वणिमग्गओ पडिगाहित्ताण पान-वित्तिं करेमि नो णं अन्ने केइ जीव-संधारणोवाए संपयं मे हवेज त्ति अहवा हद्धी हा हा न जुत्तमिणं ति किंतु जीवमाणि चैव विक्किणामि त्ति चिंतिऊणं विक्किया सुज्जसिरी महा-रिद्धी- जुयस्स चोद्दस - विजा-द्वाण- पारगयस्स णं माहण-गोविंदस्स गेहे तओ बहुजनेहिं धि-द्धी सद्दोवहओ तं देतं परिचिच्चाणं गओ अत्र -देसंतंर सुज्जसिवो तत्था वि णं पयट्टो सो गोयमा इत्थेव विन्नाणे जाव णं अन्नेसि कन्नगाओ अवहरित्ताणं अवहरित्ताणं अन्नत्थ विक्कणिऊणं चामेलियं सुञ्जसिवेण बहुं दविण-जायं एयावसरम्मि उ समइकंते साइरेगे अट्ठ-संवच्छरे दुब्भिक्खस्स् जाव णं वियलियमसेसविहवं तस्सावि णं गोविंद-माहणस्स तं च वियाणिऊणं विसायमुवगएणं चिंतियं गोयमा ते णं गोविंद माहणेणं जहा णं होही संघारकालं मज्झ कुटुंबस्स नाहं विसीयमाणे