Agam 16 Upang 05 Surya Pragnapti Sutra Shwetambar

Author(s): Purnachandrasagar
Publisher: Jainanand Pustakalay

Page 44

Shri Mahavir Jain Arachana Kendra
Acharya Shn Kailashsagarsuri Gyanmandir
ता अच्छंसि णं पव्वतंसि ता सूरियावत्तंसि णं पव्वतंसि ता सूरियावरणसि णं पव्वतंसि ता उत्तमंसि णं पव्वयंसि ता दिसादिसि णं पव्वतंसि ता अवतंसंसि णं पव्वतंसि ता धरणिखीलंसि णं पव्वयंसि ता धरणिसिंगंसिणं पव्वयंसि ता पव्वतिंदसिणं पव्वतंसि ता पव्वयरायसि णं पव्वयंसि सूरियस्स लेसा पडिहता आहिताति वदेजा एगे एव०, वयं पुण एवं वदामो-ता मंदरेवि पवुच्चति नाव पव्वयायावि वुच्चति, ता जेणं पुग्गला सूरियस्स लेसं फुसंति ते णं पुग्गला सूरियस्स लेसं पडिहणंति, अदिठ्ठाविणं पोग्गला सूरियस्स लेस्सं पडिहणंति चरिमलेसंतरगतावि णं पोग्गला सूरियस्स लेस्सं पडिहणंति २६॥ पंचमं पाहुडं ५॥ ___ता कहं ते ओयसंठिती आहिताती वदेज्जा ?, तत्थ खलु इमाओ पणवीसं पडिवत्तीओ पं०, तत्थेगे एवमाहंसु-ता अणुसमयमेव सूरियस्स ओया अण्णा उप्पजे अण्णा अवेति एगे एवमाहंसु, एगे पुण० ता अणुमुहुत्तमेव सूरियस्स ओया अण्णा उपज्जति अण्णा अवेति, एतेणं अभिलावेणं णेतव्वा, ता अणुराइंदियमेव ता अणुपक्खमेव ता अणुमासमेव ता अणुउउमेव ता अणुअयणमेव ता अणुसंवच्छरमेव ता अणुजुगमेव ता अणुवाससयमेव ता अणुवाससहस्समेव ता अणुवाससयसहस्समेव ता अणुपुव्वमेव ता अणुपुव्वसयमेव ता अणुपुव्वसहस्समेव ता अणुपुव्वसतसहस्समेव ता अणुपलितोवममेवता अणुपलितोवमसतमेव ता अणुपलितोवमसहस्समेव ता अणुपलितोवमसयसहस्समेव ता अणुसागरोवममेव ता अणुसागरोवमसतमेव ता अणुसागरोवमसहस्समेव ता अणुसागरोवमसयसहस्समेव एगे एवमासु ता अणुउस्सप्पिणीओसप्पिणिमेव सूरियस ओया अण्णा उप्पज्जति अण्णा अवेति || श्री सूर्यप्राप्त्युपाङ्गम् ॥
पू. सागरजी म. संशोधित
For Private And Personal