Agam 16 Upang 05 Surya Pragnapti Sutra Shwetambar

Author(s): Purnachandrasagar
Publisher: Jainanand Pustakalay

Page 120

| ॥ ८७॥ छावट्ठि सहस्साइं णव चेव सताई पंचसतराई । एगससी परिवारो तारागणकोडिकोडीणं ॥ ८८ ॥ अंतो मणुस्सखेत्ते जे चंदिमसूरियगहगणणक्खत्ततारारूवा ते णं देवा किं उड्ढोववन्नगा कम्पोव० विमाणोव० चारोव० चारद्वितीया गतिरतिया गतिसमावण्णगा ?, ता ते णं देवा णो उड्ढो० नो कप्पो० विमाणो० चारो० नो चारवितीया गइरइया गतिसमावण्णगा उड्ढामुहकलंबु आपुष्पसंवगणसंठितेहिं जोअणसाहस्सिएहिं तावकखेत्तेहिं साहस्सिएहिं बाहिराहि य वेउव्वियाहिं परिसाहिं महताहतणट्टगीयवाइयतंतीतलतालतुडियघणमुइंगपडुष्पवाइयरवेणं महता उक्कट्टिसीहणादबोलकलकलरवेणं अच्छं पव्वतरायं पदाहिणावत्तमंडलचारं मेरुं अणुपरियद्वंति, ता तेसिं णं देवाणं जाधे इंदे चयति से कथभिदाणिं पकरेंति ?, त्ता चत्तारिपंच सामाणिया देवा तं ठाणं उवसंपज्जित्ताणं विहरंति जाव अण्णे इंदे उववण्णे भवति, ता इंदठाणे णं केवइएणं कालेणं विरहियं उववाएणं पं०?, ता जह० इक्कं समयं उक्को० छम्मासे, ता बहिता णं माणुस्सखेत्तस्स जे चंदिमसूरियगह जावतारारूवा ते णं देवा किं उड्ढोववण्णगा कम्पो० विमाणो० चारोव० चारद्वितीया गतिरतीया गतिसमावण्णगा ?, ता ते णं देवा णो उड्ढोव० नो कप्पो० विमाणो० णो चारोव० चारठितीया नो गइरइया णो गतिसमावण्णगा पक्किट्टगसंठगणसंठितेहिं जोयणसयसाहस्सिएहिं तावक खेत्तेहिं सयसाहस्सियाहिं बाहिराहिं वेडव्वियाहिं परिसाहिं महताहतनट्टगीयवाइयजावरवेणं दिव्वाई भोगभोगाई भुंजमाणा विहरंति, सुहलेसा मंदलेसा मंदायवलेसा चित्तंतरलेसा अण्णोऽण्णसमोगाढाहिं लेसाहिं कूडा इव ठाणविता ते पदेसे सव्वतो समंता ओभासंति उज्जोवेंति तवेंति
।। श्री सूर्यप्रज्ञप्त्युपाङ्गम् ॥
पू. सागरजी म. संशोधित
१०९
Acharya Shri Kailashsagarsuri Gyanmandir
For Private And Personal