Agam 16 Upang 05 Surya Pragnapti Sutra Shwetambar

Author(s): Purnachandrasagar
Publisher: Jainanand Pustakalay

Page 87

Acharya Shri Kailashsagarsuri Gyanmandir
उवादिणावित्ता पुणरवि से चंदे अण्णेणं तारिसएणं णक्खत्तेणं जोयं जोएति तंसि देसंसि, ता जेणं अज्ज णक्खत्तेणं चंदे जोयं जोएति जंसि देसंसि से णं इमं एवं मुहुत्तस्यसहस्सं अट्ठाणउतिं च मुहुत्तसत्ताई उवाइणावित्ता पुणरवि से चंदे तेण चेव नक्खत्तेणं जोयं जोएइ तंसि देसंसि ता जेणं अज्ज नक्खत्तेणं सूरे जोयं जोएति जंसि देसंसि से णं इमाई तिण्णि छावट्टाई राईदियसताई उवादिणावेत्ता पुणरवि से सूरिए अण्णेणं नारिसएणं चेव नक्खत्तेणं जोयं जोएति तंसि देसंसि, ता जेणं अज्ज नक्खत्तेणं सूरे जोयं जोएति तंसि देसंसि से णं इमाई सत्तदुतीसं राईदियसताइं उवाइणावेत्ता पुणरवि से सूरे तेणं चेव नक्खत्तेणं जोयं जोएति तंसि देसंसि, ता जेणं अज्ज णक्खत्तेणं सूरे जोयं जोएति जंसि देसंसि से णं इमाई अट्ठारस तीसाई राइंदियसताई उवादिणावेत्ता पुणरवि सूरे अण्णेणं तारिसएणं चेव णक्खतेणं जोयं जोएति तंसि देसंसि, ता जेणं अज्ज णक्खत्तेणं सूरे जोयं जोएति जंसि देसंसि तेण इमाई छत्तीसं सट्टाई राईदियसयाई उवाइणावित्ता पुणरवि से सूरे तेणं चेव णक्खत्तेणं जोयं जोएति तंसि देसंसि | ६९ । ता जया णं इमे चंदे गतिसमावण्णए. भवति तता. णं इतरेवि चंदे गतिसमावण्णए भवति जता णं इतरे चंदे गतिसमावण्णए भवति तता णं इमेवि चंदे गतिसमावण्णए भवति, ता जया णं इमे सूरिए गइसमावण्णे भवति तया णं इतरेवि सूरिए गइसमावण्णे भवति जता णं इतरे सूरिए गतिसमावण्णे भवति तया णं इमेवि सूरिए गइसमावण्णे भवति, एवं गहेवि णक्खत्तेवि, ता जया णं इमे चंदे जुत्ते जोगेणं भवति तता णं इतरेवि चंदे जुत्ते जोगेणं भवति जया णं इयरे चंदे जुत्ते जोगेणं भवइ तता णं इमेवि ॥ श्री सूर्यप्रज्ञप्त्युपाङ्गम् ॥
७६
पू. सागरजी म. संशोधित
For Private And Personal