________________
६९४]
बायं अज्झयणं 'किरियाठाणं'।
१५३
णो वसाए णो पिच्छाए णो पुच्छाए णो वालाए णो सिंगाए णो विसाणाए णो दंताए णो दाढाए णो णहाए णो ण्हारुणियाए णो अट्ठीए णो अद्विमिजाते नो हिंसिंसु मे ति णो हिंसंति मे त्ति नो हिंसिस्संति मे त्ति. ते णो पत्तपोसणयाए णो पसुपोसणताए णो अगारपरिबहणताए णो समणमाहण वत्तियहेतुं नो तस्स सरीरस्स किंचि वि परितातित्ता भवति, से हंता छेत्ता मेत्ता लुपतित्ता विलुंपतित्ता उहवइत्ता उज्झिउं बाले वेरस्साभागी भवति, अणहाडंडे। से जधानामए केइ पुरिसे जे इमे थावरा पाणा भवंति, तंजथा-इकडाइ वा कढिणा ति वा जंतुया ति वा परगा ति वा मोरगा ति वा तणा ति वा कुसा ति वा कुजगा ति वा दब्भगा ति वा वव्वगा ति वा पलाला ति वा, ते णो पुत्तपोसणताए णो पसुपोसणयाए णो अगारपोसणताए णो समणमाहणपोसणताए णो तस्स सरीरस्स पोसणताए, से हंता छेत्ता भेत्ता लुंपइत्ता विलुपतित्ता उद्दवतित्ता उज्झितुं बाले वेरस्साभागी भवति, अणट्ठाडंडे। से जधानामए केइ पुरिसे कच्छंसि वा दहंसि वा दगंसि वा दवियंसि वा वलयसि वा गहणंसि वा णूमंसि वा वणंसि वा वणविदुग्गंसि वा पव्वयंसि वा पन्वतविदुग्गंसि वा तणाई ऊसविया २ अगिणिकायं णिसिरति अण्णेण वावि अगणिकायं णिसिरावेति अगणिकायं णिसिरंतं पि अण्णं समणुजाणति, एवं खलु तस्स तप्पत्तियं सावजे त्ति आहिजति, दोच्चे दंडसमादाणे अणत्थादंडवत्तिए त्ति आहिए २।
अहावरे तच्चे दंडसमादाणे हिंसाडंडवत्तिए त्ति आहिजति, से जधानामए केइ पुरिसे ममं वा ममि वा अण्णं वा अण्णि वा हिंसिंसु वा हिंसति वा हिंसिस्सति वा तं डंडं तसथावरेहिं पाणेहिं सयमेव णिसिरति अण्णेण वा णिसिरावेति णिसिरंतं पि अण्णं समणुजाणति, एवं खलु तस्स तप्पत्तियं सावजे त्ति आहिजति, तच्चे दंडसमादाणे हिंसादंडवत्तिए त्ति आहिते ३॥
अहावरे च उत्थे दंडसमादाणे अकम्हादंडवत्तिए त्ति आहिजत्ति. से जधानामए के परिसे कच्छंसि वा दहंसि वा दगंसि वा दवियंसि वा जाव पव्वतविदुग्गंसि वा मियवित्तिए मियसंकप्पे मियपणिहाणे मियवहाए गंता एते मिय त्ति काउं अण्णतरस्स मियस्स वहाए उसु आयामेत्ताणं णिसिरेजा, से मिय विधिस्सामि त्ति कटु तित्तिरं वा वगं वा लावगं वा कवोतं वा कविंजलं वा विधित्ता भवति, इति खलु से अण्णस्स अट्ठाए अण्णं फुसति अकम्हाडंडे, से जधानामए केइ पुरिसे सालीणि वा वीहीणि वा कोदवाणि वा कंगूणि वा वरगाणि वा रालगाणि वा निलिज(लिंज-प्र०)माणे अण्णतरस्स तणस्स वधाए सत्थं निसिरेजा से सामगं वा मतणगं वा मुगुंदगं वा वीहिफु (भू-प्र०, तु-प्र०) सियं वा कलेसुयं वा तणं छिंदिस्सामि त्ति कट्टु सालिं वा वीहिं वा कोहवं वा कंगुं वा वरगं वा रालगं वा छिदित्ता भवति, इति खलु से अण्णस्स अट्ठाए अण्णं फुसति, एवं खलु तस्स तप्प. त्तियं सावजे त्ति आहिजति, चउत्थे दंडसमादाणे अकम्हादंडवत्तिए त्ति आहिते ४॥
अहावरे पंचमे दंडसमादाणे दिट्ठीविप्परियासियादंडवत्तिए त्ति आहिज्जति, से जधानामए केइ पुरिसे मातीहि वा पीतिहिं वा भातीहिं वा भगिणीहिं वा भजाहिं वा पुत्तेहिं वा धूताहिँ वा सुण्हाहिं वा सद्धिं संवसमाणे मित्तं अमित्तमिति मण्णमाणे मित्ते हतपुव्वे भवति, दिट्ठीविप्परियासियाडंडे । से जधानामए केई पुरिसे गामघातंसि वा णगरघातंसि वा खेडघातंसि वा कब्बडघातंसि वा मडबघातंसि वा दोणमुहघातंसि वा पट्टणघातंसि वा आगर० आसम० संबाह. संनिवेस० निगम रायहाणिघातंसि वा अतेणं तेणमिति मण्णमाणे अतेणे हतपुव्वे भवति, दिट्ठीविप्परियासियाडंडे । एवं खलु तस्स तप्पत्तियं सावजे त्ति आहिजति, पंचमे दंडसमादाणे दिट्ठीविप्परियासियाडंडवत्तिए त्ति आहिते ५॥ ___ अहावरे छठे किरियट्ठाणे मोसवत्तिए त्ति आहिजति, से जधानामए केइ पुरिसे आतहेतुं वा णातहेतुं वा अगार हेतुं वा परिवारहेतुं वा सयमेव मुसं वयति अण्णेण वि मुसं वयावेइ मुसं
Jain Education International
For Private & Personal Use Only
www.jainelibrary.org
