Book Title: Kalpantarvcahya
Author(s): Pradyumnasuri
Publisher: Sharadaben Chimanbhai Educational Research Centre
View full book text
________________
८०]
छागप्रसंगः
[कल्पान्तर्वाच्यः नोजीवो पुण सुत्ते नत्यि तुमं तेण नरवइ-समक्खं । मिच्छुक्कडयं देसु य सो भणइ. एयमवि सच्चं ।। ६२५॥ तो गुरुणा सह वायं पकुव्वमाणस्स जाव छम्मासा। कुत्तीयावण-हट्टे नोजीवो नत्थि इय वुत्ते ।। ६२६॥ न य मण्णेइ सो जाहे गुरुणा भस्स-मल्लगो सिरे ठविओ। तम्हा विसेसिय-मयं संजायं लोयमज्झमि ।। ६२७॥
थेराणं सुट्ठिय-सुप्पडिबुद्धाणं कोडिय-काकंदगाणं वग्घावच्च-सगुत्ताणं इमे पंच थेरा अंतेवासी अहावच्चा अभिण्णाया हुत्था, तं जहा थेरे अज्ज-इंददिण्णे, थेरे पियगंथे, थेरे विजाहरगोवाले कासवगुत्ते णं, थेरे इसिदिण्णे, थेरे अरिहदत्ते । थेरेहिंतो णं पियगंथेहिंतो इत्थ णं मज्झिमा साहा निग्गया, थेरेहितो णं विजाहर-गोवालेहिंतो कासव-गुत्तेहिंतो इत्थ णं विज्ञाहरी साहा निग्गया........॥
अजमेरासण्णवत्ति हरिसपुरे तिसयजिणालय-रम्मे। चउसय-लोइय-देवालय-माहण-अठ्ठ-सहस-गिहे ।। ६२८॥ छत्तीस-सहस वणिगिह वावी-कूवाइ सोहिए तत्थ।। जण्णे दिएहिं छागो हंतुं तइया समारद्धो ।। ६२६॥ इत्थंतरंमि सुत्थित-सुप्पडिबुद्धाण पवर-सीसेहिं । पियगंथेहिं सावय हत्थपियगंध-परिक्खेवे ।। ६३०॥ अहिट्ठिओ सो छागो अंबिगया सो भणेइ गयणत्यो। आगच्छंतु हणंतु य रे रे मं भे हयासा य ।।६३१॥ जइ हं तुम्ह सरिच्छो निद्दओ भवामि ता खणेणेव । मारेमि सव्वहा खलु तुब्मे तो ते भिया सव्वे ।। ६३२॥ जावंति रोमकूवाणि पसु-गाएसु भारय !। ताव य वास-सहस्साणि पच्चंति पसु-घायणा ।। ६३३॥ इच्चाइ वुत्तंतं पुच्छंति ते दिया तुमं कोऽसी ? सो भणइ पावगो हं वाहण-मेयं ममैवेहत्ति ॥६३४॥ पियगंथसूरिनाहो इहत्थितं पुच्छिऊण गिण्हेह । सुद्धं धम्मं जेणं जायन्ते सयलसुक्खाइं ॥६३५॥
Page Navigation
1 ... 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132