Kalpantarvcahya

Author(s): Pradyumnasuri
Publisher: Sharadaben Chimanbhai Educational Research Centre

Page 109

१००] कप्पसुत्तस्स धुण्णी
[कल्पान्तर्वाच्यः एगखेत्ते अच्छित्ता कत्तियचाउम्मासिए णिग्गंतव्वं । अथ वासं ण ओरमति तो मग्गसिरे मासे जद्दिवसं 'पक्कमट्टियं जातं तद्दिवसं चेव णिग्गंतव्वं । उक्कोसेणं तिण्णि दसरायाण निग्गच्छेज्जा, मग्गसिरपुण्णिमाए त्ति भणियं होइ । मग्गसिरपुण्णिमाते परेण जति 'विप्लवंतेहिं (?) तह णिग्गंतव्वं । अध ण णिग्गच्छन्ति तो चउलहुगा। एवं पंचमासिओ जेट्ठोग्गहो जातो।।१७।।
काऊण मासकप्पं, तत्थेव ठियाणऽतीए मग्गसिरे।
सालंबणाण छम्मासितो तु जेट्ठोग्गहो होति॥१८॥ काऊण० गाहा। आसाढमासकप्पं काउं जति अण्णं वासावासपाउग्गं खेत्तं णत्थि, तं चेव वासावासपाउग्गं जत्थ आसाढमासकप्पो कतो, तो तत्थेव पज्जोसविते; आसाढपुण्णिमाते वा सालंबणाणं मग्गसिरं पि सव्वं वासं ण ओरमति तेणं ण णिग्गता, असिवादीणि वा बाहिं, एवं सालंबणाणं छम्मासितो जेट्ठोग्गहो। बाहिं असिवादीहिं जहि वाघातो अण्णवसहीए ठंति, जतणाविभासा कातव्वा ।। १८॥
जइ अस्थि पयविहारो, चउपाडिवयम्मि होइ गंतव् ।
अहवा वि अणिंतस्सा, आरोवण पुव्वनिद्दिट्ठा ।। १६॥ जति अत्थि पदविहारो० गाहा। कंठा। कुत्र निद्दिट्ठा ? निसीथे ।। १६ ।। कयाइ अपुण्णे वि चाउम्मासिए निग्गमज्जा इमेहिं कारणेहिं—
काईयभूमी संथारए य संसत्त दुल्लहे भिक्खे। एएहिं कारणेहिं, अप्पत्ते होइ णिग्गमणं ॥२०॥ राया सप्पे कुंथू, अगणि गिलाणे य थंडिलस्सऽसति ।
एएहिं कारणेहिं, अप्पत्ते होति णिग्गमणं ॥२१॥ काईय० गाहा [द्वयम्]। काईयभूमी संसत्ता उदएण वा पेल्लिता । संथारगा संसत्ता। अन्नातो वि तिण्णि वसधीओ णत्थि, अहवा तासु वि एस चेव वाघातो। राया वा पदुट्ठो। गिलाणो वा जाओ विजनिमित्तं अतिक्ते वि अच्छिज्जति ॥२०॥२१॥
वासं व ण ओरमई, पंथा वा दुग्गमा सचिखल्ला। एएहिं कारणेहिं, अइकते होइ णिग्गमणं ॥२२॥ असिवे ओमोयरिए, राया दुढे भए व गेलण्णे। .
एएहिं कारणेहिं, अइकते होति णिग्गमणं ।। २३॥ वासं व ण ओरमती० गापाद्वयं कंठं॥ २२ ॥२३॥ एस कालट्ठवणा। इयाणिं खेत्तट्ठवणा
उभओ वि अद्धजोयण, सअद्धकोसं च तं हवति खेत्तं।
होइ सकोसं जोयण, मोत्तूणं कारणज्जाए॥२४॥ . १. एक्कमट्टियं प्रत्य०। पक्कमज्जियं प्रत्य० ॥ २. विब्भवंतेहि प्रत्य०।। ३. ठियाण जाव मग्ग' प्रत्य०॥ ४ पिलिया प्रत्य०॥