Jain Inscriptions of Rajasthan

Author(s): Ramvallabh Somani
Publisher: Rajasthan Prakrit Bharti Sansthan Jaipur

Page 298

सोऽयं पुनर्दाशरथिः पृथिव्या-मध्याहतीजाः स्फुटमुज्जगाम । मारीचवैरादिव योऽधुनापि (म) गव्यमव्यग्रमतिः करोति ।।37।।
सामन्तसिंहसमितिक्षितिविक्षतौजःश्रीगूर्जरक्षितिपरक्षणदक्षिणासिः । प्रह्लादनस्तदनुजो दनुजोत्तमारि
चारित्रमत्र पुनरुज्ज्वलयाञ्चकार ।।38।। देवी सरोजासनसम्भवा किं कामप्रदा किं सुरसौरभेयी । प्रह्लादनाकारधरा धराया-मायातवत्येष न निश्चयो मे ॥391
धारावर्षसुतोऽयं जयति श्रीसोमसिंहदेवो यः । पितृतः शौर्य विद्यां पितृव्यकाहानमुभयतो जगृहे ।।40।। मुक्त्वा विप्रकरानरातिनिकरानिज्जित्य तत्किञ्चन प्रापत्सम्प्रति सोमसिंहनृपतिः सोमप्रकाशं यशः ।
येनोर्वीतलमुज्ज्वलं रचयताप्युत्ताम्यतामीर्घाया सर्वेशा (षा)मिह विद्विषां न हि मुखान्मालिन्यमुन्मूलितम् ॥41॥
वसुदेवस्येव सुतः कृष्णः कृष्णराजदेवोऽस्य । मात्राधिकप्रतापो यशोदयासंश्रितो जयति ।।42॥
इतश्च अन्वयेन विनयेन विद्यया विक्रमेण सुकृतक्रमेण च । क्वापि कोऽपि न पुमानुपैति मे वस्तुपालसदृशो दृशोः पथि ।।43।।
दयिता ललितादेवी तनयमवीतनयमाप सचिवेन्द्रात् ।
नाम्ना जयन्तसिंह जयन्तमिन्द्रात्पुलोमपुत्रीव ।।44।। यः शैशवे विनयवैरिणि बोधबन्ध्ये धत्ते नयं च विनयं च गुणोदयं च । सोऽयं मनोभवपराभवजागरूक-रूपो न कं मनसि चुम्बति
__ जैत्रसिंहः ॥45॥ श्रीवस्तुपालपुत्र: कल्पायुरयं जयतसिंहोऽस्तु । कामादधिकं रूपं निरूप्यते यस्य दानं च ॥46।। स श्रीतेजःपालः सचिवश्चिरकालमस्तु तेजस्वी । येन जना निश्चिन्ताश्चिन्तामणिनेव नन्दति ।।47।।