Heer Saubhagya Mahakavyam

Author(s): Devvimal Gani, Shivdatta Pandit, Kashinath Sharma
Publisher: Kalandri Jain S M Sangh

Page 930

१७ सर्गः]
हीरसौभाग्यम् ।
८६९
सुकृतश्रिया अलंक्रियमाणे भूष्यमाणं पावै जीवान्तिकं यस्य । परिणेतापि तत्कालपारेणीयतया अलंक्रियमाणवामाङ्गान्तिकः ॥ इदं तु पाठान्तरम् ॥
गीति जगुर्नागरिकाः किरन्ती सुधां सुधादीधितिमण्डलीवत् । यां श्रोत्रपत्रैर्विनिपीय चित्रार्पितैरिवाभूयत मार्यमार्गः ॥ १७ ॥ काश्चन नागरिका द्वीपोत्रतपुरपुरंध्यो गीति सूरिगुणगानं जगुर्गायन्ति स्म । कि कुर्वतीम् । गीतिं किरन्ती विस्तारयन्तीम् अर्थात्कर्णयोर्वर्षन्तीम् । काम्। सुधाममृतम् । किंवत् । सुधादीधितिमण्डलीवत् । यथा आश्विनमाससंबन्धिराकामृगाङ्कमण्डल्यः पीयूष किरन्ति, तथा नागरिका कर्णामृतवर्षिणीं गीतिं गायन्ति । यां गीति श्रोत्रपत्रैः कर्णपर्णै: कृत्वा विनिपीय सादरं निशम्य मार्गस्य अजयोनतपुरयोरन्तरालाध्वनः मागैर्मृगगणेश्चित्रापितैरालेख्यस्थापितैलिखितैरिवाभूयत संजायते स्म ॥
गजाधिरूढा व्यरुचन्कुमारा विभूषिता भूषणधोरणीभिः । प्रवालपुष्पावलिशालमानाः प्रस्थप्ररूढा इव बालसालाः ॥६॥ भूषणानां मणिवर्णाभरणानां धोरणीभिः श्रेणीभिः विभूषिता अलंकृताङ्गाः । तथा गजाधिरूढाः सिन्धुरस्कन्धाध्यासिन: केचन कुमाराः व्यरुचन् शुशुभिरे। उत्प्रेक्ष्यतेप्रवालानां पल्लवानां पुष्पाणां कुसुमानामावलीभिर्मालिकाभिः शालमानाः शोभमानाः प्रस्थेषु सानुषु प्ररूढा उद्गता बालसालाः लघुपादपा इव ॥
काश्चित्कुमार्यः शिबिकां श्रयन्त्यो माणिक्यभूषा वपुषा वहन्त्यः । कुतूहलाद्भवलयं भजन्त्यो विमानयाना इव नाकिकन्याः ॥ १९॥ काश्चित्कुमार्यो लघुकन्यकाः भान्ति तदवसरे शोभन्ते । किं कुर्वन्त्यः । शिबिका याप्ययानं श्रयन्त्यः परिचरन्त्यः । शिविकाधिरूढा इत्यर्थः । पुनः किं कुर्वन्त्यः।माणिक्यानां रत्नविशेषाणां भूषा अलंकारान् वपुषा खशरीरेण वहन्यो धारयन्त्यः । 'वृता विभूषामणिरश्मिकार्मुकैः' इति नैषधे । उत्प्रेक्ष्यते-कुतूहलात्कौतुकावलयं मेदिनीमण्डलं भजन्त्यः सेवमाना आश्रयन्त्यः । विमानेन देवयानेन यानं गमनं यासां ता. दृश्यो नाकिकन्या देवकुमारिकाः इव । यया इन्द्रस्य । 'तनयस्तु जयन्तः स्याज्जयदत्तो जयश्च सः । सुता जयन्ती तविषी त!विष्युच्चैःश्रवा हयः ॥' इति हैम्याम् ॥
गत्या जितोऽनेन किमकुम्भी द्रष्टुं तमीत्युत्सुकितोऽब्धिमध्यात् । किमीयिवानेष तदन्ववायः शृङ्गारितास्तत्र गजा विरेजुः ॥ ७० ॥ तत्र तस्मिन् संमुखागमनसमये शृङ्गारिताश्च शृङ्गारभूषणतैलचामराद्याडम्बरैरलंकृताः गजा हस्तिनो विरेजु: शोभन्ते स्म । उत्प्रेक्ष्यते-इत्यमुना प्रकारेण इति हे. तोर्वा तं सूरिं द्रष्टुं प्रेक्षितुमुत्सुकित उत्कण्ठितः सन् अब्धिमध्यात्समुद्रान्तरालादेष प्र. सक्षं लक्ष्यमाणः तस्यैरावणस्य अन्ववायो गजघटारूपो वंशः किमीयिवान् मागत इव ।