Bhagwati sutram Part 01

Author(s): Abhaydevsuri,
Publisher: Agamoday Samiti

Page 616

व्याख्याप्रज्ञप्तिः अभयदेवीया वृत्तिः १
॥३०७॥
विगय भेसणमुहा कच्छुकसराभिभूया खरतिक्खन खकंडूइय विक्खयतणू दद्दुकिडिभसिंझफुडियफरुसच्छवी चित्तलंगा टोला गतिविसमसंधिबंधणकुड्डु अट्ठिगविभत्तदुब्बल कुसंघयणकुप्पमाणकुसंठिया कुरुवा कुठाणासणकुसेज्जकुभोइणो असुइणो अणेगवाहिपरिपीलियंगमंगा खलंतवेज्झलगती निरुच्छा हा सत्तपरिवजिया विगयचिट्ठा नद्वतेया अभिक्खणं सीयउण्हखरफ रुसवाय विज्झडिया मलिणपंसुरयगुंडियंगमंगा बहुकोहमाणमाया बहुलोभा असुहदुक्खभोगी ओसन्नं धम्मसण्णसम्मत्तपरिन्भट्ठा उक्कोसेणं रयणिप्पमाणमेत्ता सोलसवीसतिवासपरमाउसो पुतन परियालपणयबहुला गंगासिंधूओ महानदीओ वेयहुं च पचयं निस्साए बावन्तरिं निओदा बीयं बीयामेत्ता बिलवा सिणो भविस्संति ॥ ते णं भंते ! मणुया किमाहारमाहारेंति ?, गोयमा ! ते णं काले णं ते णं समए णं गंगासिंधूओ महानदीओ रहपहवित्थराओ अक्खसोयप्पमाणमेत्तं जलं वोज्झिहिंति सेवि य णं जले बहुमच्छकच्छभाइने णो चेव णं आउयबहुले भविस्सति, तए णं | ते मणुया सुरुग्गमणमुहुत्तंसि य सूरत्थमणमुहुत्तंसि य बिलेहिंतो २ निद्राइत्ता मच्छकच्छभे थलाई गाहेहिंति सीयायवतत्तएहिं मच्छकच्छ एहिं एक्कवीसं वाससहस्साइं वित्तिं कप्पेमाणा विहरिस्संति ॥ ते णं भंते! | मणुया निस्सीला निग्गुणा निम्मेरा निष्पचक्खाणपोसहोववासा ओसण्णं मंसाहारा मच्छाहारा खोद्दा| हारा कुणिमाहारा कालमासे कालं किच्चा कहिं गच्छिहिंति ? कहिं उववज्जिहिंति ?, गोयमा ! ओसन्नं नरगतिरिक्खजोगिएसु उववज्जंति, ते णं भंते ! सीहा वग्धा वगा दीविया अच्छा तरच्छा परस्सरा निस्सीला
७ शतके उद्देशः ६ षष्ठारकव
वर्णनं सू २८८
॥३०७॥