Angsuttani Part 03 - Nayadhammakahao Uvasagdasao Antgaddasao Anuttaraovavai Panhavagarnaim Vivagsuya

Author(s): Tulsi Acharya, Nathmalmuni
Publisher: Jain Vishva Bharati

Page 745

६८८
पहावागरणाई
गुरुजणेणं, उपविट्ठ संपमज्जिऊण ससोसं कायं तहा करतलं, अमुच्छिए गिद्धे अगढिए अगरहिए अणझोववण्णे प्रणाइले अलुद्धे अणत्तट्टिते असुरसुरं अचवचवं अदुयमविलंबियं' अपरिसाडि आलोयभायण जयं पयत्तेणं ववगयसंजोगमणिंगालं च विगयधूमं अक्खोवंजण-वणाणुलेवणभूयं संजमजायामायानिमित्तं संजयभारवहणट्ठयाए भुजेज्जा पाणधारणट्ठयाए' संजए ण समियं । एवं आहारसमितिजोगणं भाविग्रो भवति अतरप्पा, असबलमसंकिलिट्ठ
निव्वण-चरित्तभावणाए अहिंसए संजए सुसाहू ॥ २१. पंचमगं -पीढ-फलग-सिज्जा-संथारग-वत्थ-पत्त-कंबल-दंडग-रयहरण-चोलपट्टग
मुहपोत्तिग-पायपुंछणादी। एयंपि संजमस्स उवबूहणट्ठयाए वातातव-दंसमसगसोय-परिरक्खणट्ठयाए उवगरणं रागदोसरहियं परिहरितव्वं संजतेणं' णिच्चं पडिलेहण-पप्फोडण-पमज्जणाए अहो य रायो य अप्पमत्तेण होइ समयं निक्खिवियव्वं च गिव्हियव्वं च भायण-भंडोवहि-उवगरण । एवं आयाणभंडनिक्खेवणासमितिजोगेण भावियो भवति अतरप्पा, असबलमसं
किलिट्ठ-निव्वण-चरित्तभावणाए अहिंसए संजते सुसाहू ॥ निगमण-पदं २२. एवमिणं संवरस्स दारं सम्म संवरियं होति सुप्पणिहियं इमेहिं पंचहि वि
कारणेहिं मण-वयण-काय-परिरक्खएहिं ।। २३. णिच्चं आमरणंतं च एस जोगो णेयव्वो धितिमया मतिमया अणासवो अकलुसो
अच्छिद्दो अपरिसावी असंकिलिट्ठो सुद्धो सव्वजिणमणुण्णातो॥ २४. एवं पढमं संवरदारं फासियं पालियं सोहियं तीरियं किट्टियं आराहियं प्राणाते
लयं भवति ।। २५. एवं नायमुणिणा भगवया पण्णवियं परूवियं पसिद्धं सिद्धं सिद्धवरसासणमिणं आघवितं सुदेसितं पसत्थं । पढमं संवरदारं समत्तं ।
—त्ति बेमि॥
१ अदुय ° (च)। २. मायनिमित्तं (क, ख, ग, घ)। ३. ° रक्खणट्ठयाए (क)।
४. उवगहणट्टयाए (क, ख, च)। ५. संजमेणं (ग)।