Angsuttani Part 03 - Nayadhammakahao Uvasagdasao Antgaddasao Anuttaraovavai Panhavagarnaim Vivagsuya

Author(s): Tulsi Acharya, Nathmalmuni
Publisher: Jain Vishva Bharati

Page 864

८०७
पढमं अज्झयणं (सुबाहू) २६. तए णं से सुबाहुकुमारे समणोवासए जाए-अभिगयजीवाजीवे जाव'
पडिलाभेमाणे विहरइ॥ ३०. तए णं से सुबाहुकुमारे अण्णया कयाइ चाउद्दसट्ठमुट्ठिपुण्णमासिणीसु जेणेव
पोसहसाला तेणेव उवागच्छइ, उवागच्छित्ता पोसहसालं पमज्जइ, पमज्जित्ता उच्चारपासवणभूमि पडिलेहेइ, पडिलेहेत्ता दब्भसंथारं संथरइ, संथरित्ता दब्भसंथारं दुरूहइ, दुरूहित्ता अट्ठमभत्तं पगिण्हइ, पगिण्हित्ता पोसहसालाए
पोसहिए अट्ठमभत्तिए पोसहं पडिजागरमाणे विहरइ ॥ सुबाहुकुमारस्स पवज्जा-पदं ३१. तए णं तस्स सुबाहुस्स कुमारस्स पुव्वरत्तावरत्तकालसमयंसि धम्मजागरियं
जागरमाणस्स इमेयारूवे अज्झथिए चितिए कप्पिए पत्थिए मणोगए संकप्पे समुप्पज्जित्था—धण्णा णं ते गामागर-णयर-णिगम-रायहाणि-खेड-कब्बडदोणमुह-मडब-पट्टणासम-संबाह °-सण्णिवेसा, जत्थ णं समणे भगवं महावीरे विहरइ। धण्णा णं ते राईसर-तलवर-माडंबिय-कोडुबिय-इब्भ-सेट्टि-सेणावइ-सत्थवाहप्पभियो, जे णं समणस्स भगवो महावीरस्स अंतिए मुंडा' भवित्ता अगाराप्रो अणगारियं° पव्वयंति । धण्णा णं ते राईसर - तलवर - माडंबिय-कोडुबिय-इब्भ-सेट्ठि-सेणावइसत्थवाहप्पभियो, जे णं समणस्स भगवनो महावीरस्स अंतिए पंचाणुव्वइयं 'सत्तसिक्खावइयं-दुवालसविहं ° गिहिधम्म पडिवज्जति। धण्णा ण ते राईसर-तलवर-माडंबिय-कोडुबिय-इब्भ-सेट्ठि-सेणावइ-सत्थवाहप्पभियग्रो, जे णं समणस्स भगवग्रो महावीरस्स अंतिए धम्म सुणेति । तं जइ णं समणे भगवं महावीरे पुव्वाणपुवि चरमाणे गामाणुगामं दूइज्जमाणे इहमागच्छेज्जा" 'इह समोस रेज्जा इहेव हत्थीसीसस्स नयरस्स बहिया पप्फकरंडयउज्जाणे कयवणमालपियस्स जक्खस्स जक्खाययणे अहापडिरूवं प्रोग्गह अोगिण्हित्ता संजमेणं तवसा अप्पाणं भावेमाणे ° विहरेज्जा, तए णं अहं समणस्स भगवग्रो महावीरस्स अंतिए मुंडे भवित्ता अगारामो
अणगारियं पव्वएज्जा। ३२. तए णं समणे भगवं महावीरे सुबाहुस्स कुमारस्स इमं एयारूवं
१. ओ० सू० १६२ । २. पडिगिण्हइ (क)। ३. ०वरत्तकाले (क, ख)। ४. सं० पा०-गामागर जाव सण्णिवेसा।
५. सं० पा० – मुंडा जाव पव्वयति । ६. सं० पा०-पंचाणुव्वइय जाव गिहिधम्म । ७. सं० पा० - इहमागच्छेज्जा जाव विहरेज्जा। ८. सं० पा०-भवित्ता जाव पव्वएज्जा।