Angsuttani Part 03 - Nayadhammakahao Uvasagdasao Antgaddasao Anuttaraovavai Panhavagarnaim Vivagsuya

Author(s): Tulsi Acharya, Nathmalmuni
Publisher: Jain Vishva Bharati

Page 867

बीयं अज्झयणं
भद्दनंदी १. बितियस्स उक्खेवनो।
एवं खलु जंबू ! तेणं कालेणं तेणं समएणं उसभपुरे नयरे । थूभकरंडग उज्जाण । धण्णो जक्खो । धणावहो राया। सरस्सई देवी।
सुमिणदंसणं कहणा, जम्मं बालत्तणं कलाओ य ।
जोव्वणं पाणिग्गहणं, दानो पासाय भोगा य ॥१॥ जहा सुबाहुस्स, नवरं-भद्दनंदी कुमारे। सिरिदेवीपामोक्खा णं पंचसया । सामीसमोसरणं । सावगधम्म । पुत्वभवपुच्छा । महाविदेहे वासे पुंडरीगिणी' नयरी । विजए कुमारे । जुगबाहू तित्थयरे' पडिलाभिए । मणुस्साउए निबद्धे । इह उप्पण्णे । सेसं जहा सुबाहुस्स जाव' महाविदेहे वासे सिज्झिहिइ बुज्झिहिइ मुच्चिहिइ परिणिव्वाहिइ सव्वदुक्खाणमंतं काहिइ । निक्खेवनो॥
तच्चं अज्झयणं
सुजाए तच्चस्स उक्खेवनो। वीरपुरं नयरं । मणोरमं उज्जाणं। वीरकण्हमित्ते राया। सिरी देवी । सुजाए कूमारे। बलसिरीपामोक्खा पंचसया। सामीसमोसरणं । पुव्वभवपुच्छा। उसूयारे नयरे। उसभदत्ते गाहावई । पुप्फदंते अणगारे पडिलाभिए । मणुस्साउए निबद्धे । इहं उप्पण्णे जाव' महाविदेहे वासे सिज्झिहिइ बुज्झिहिइ मुच्चिहिइ परिणिव्वाहिइ सव्वदुक्खाणमंतं काहिइ। निक्खेवनो॥
१. पुंडरिंगिणी (क); पुंडरगिणी (घ)। २. तित्थंकरे (ख)। ३. वि० २।१।६-३६ ।
४. वीरकिण्ह° (क)। ५. वि०२।१।६-३६ ।
८१०