Agam 01 Ang 01 Acharanga Sutra

Author(s): Jambuvijay
Publisher: Mahavir Jain Vidyalay

Page 366

७७१]
तइया चूला, पण्णरसम अज्झयणं भावणा
२७५
गुत्तबंभयारी अममे अकिंचणे छिन्नगंथे निरुवलेवे कंसपाई व मुक्कतोये जहा भावणाए जाव सुहुयहुयासणे इव तेयसा जलंते।
कंसे संखे जीवे गगणे वाए य सारए सलिले । पुक्खरपत्ते कुम्मे विहगे खग्गे य भारंडे ॥ कुंजर वसहे सीहे नगराया चेव सागरमक्खोमे।
चंदे सूरे कणगे वसुंधरा चेव सुहुयहुए ॥ नस्थि णं तस्स भगवंतस्स कत्थइ पडिबंधे भवइ । से य पडिबंधे चउविहे पण्णत्ते. तंजहा-अंडए वा पोयए इ वा उग्गहे इ वा पग्गहिए इ वा जं णं जं गं दिसं इच्छइ तं गं तं णं दिसं अपडिबद्ध सुइभूए लहुभूए अणुप्पगंथे संजमेणं अप्पाणं भावेमाणे विहरिस्सइ । तस्स णं भगवंतस्स अणुत्तरेणं नाणेणं अणुत्तरेणं दसणेणं अणुत्तरेणं चरित्तेणं एवं आलएणं विहारेणं अजवेणं मद्दवेणं लाघवेणं खंतीए मुत्तीए गुत्तीए सच्चसंजमतवगुणसुचरियसोवचियफलपरिनिव्वाणमग्गेणं अप्पाणं भावेमाणस्स झाणंतरियाए वमाणस्स अणते अणुत्तरे निव्वाधाए जाव केवलवरनाणदंसणे समुप्पजिहिति। तए णं से भगवं अरहा जिणे भविस्सइ केवली सव्वन्नू सव्वदरिसी सदेवमणुयासुरस्स लोगस्स परियायं जाणइ पासइ। सव्वलोए सव्वजीवाणं आगई गई ठिइं चवणं उववायं तकं मणोमाणसियं भुत्तं कडं परिसेवियं आवीकम्मं रहोकम्मं अरहा अरहस्सभागी तं तं कालं मणसवयस-काइए जोगे वट्टमाणाणं सव्वलोए सव्वजीवाणं सव्वभावे जाणमाणे पासमाणे विहरिस्सइ।" इति स्थानाङ्गसूत्रे नवमस्थाने ॥ ___ "तए णं से भगवं समणे जाए इरिआसमिए जाव परिट्ठावणिआसमिए मणसमिए वयसमिए कायसमिए मणगुत्ते जाव गुत्तबंभयारी अकोहे जाव अलोहे संते पसंते उवसंते परिणिबुडे छिण्णसोए निरुवलेवे संखमिव निरंजणे जच्चकणगं व जायसवे आयरिसपडिभागे इव पागडभावे कुम्मो इव गुत्तिदिए पुक्खरपत्तमिव निरुवलेवे गगणमिव निरालंबणे अणिले इव णिरालए चंदो इव सोमदंसणे सूरो इव तेयसी विहग इव अपडिबद्धगामी सागरो इव गंभीरे मंदरो इव अकंपे पुढवी विव सव्वफासविसहे जीवो विव अप्पडिहयगइ त्ति। णत्थि णं तस्स भगवंतस्स कत्थइ पडिबंधे, से पडिबंधे चउन्विहे भवति, तंजहा-दग्वओ खित्तओ कालओ भावओ। दव्वओ इह खलु माया मे, पिया मे, भाया मे, भगिणी मे, जाव संगंथसंथुआ मे, हिरण्णं मे, सुवण्णं मे, जाव उवगरणं मे, अहवा समासओ सचित्ते वा अचित्ते वा मीसए वा दव्वजाए, सेव तस्स ण भवइ। खित्तओ गामे वा णगरे वा अरणे वा खेत्ते वा खले वा गेहे वा अंगणे वा, एवं तस्स ण भवइ । कालओ थोवे वा लवे वा मुहुत्ते वा अहोरत्ते वा पक्खे वा मासे वा उऊए वा अयणे वा संवच्छरे वा अन्नयरे वा दीहकालपडिबंधे, एवं तस्स ण भवइ । भावओ कोहे वा जाव लोहे वा भए वा हासे वा, एवं तस्स ण भवइ । से णं भगवं वासावासवज्ज हेमंत-गिम्हासु गामे एगराइए णगरे पंचराइए ववगयहाससोगअरइभयपरित्तासे णिम्ममे णिरहंकारे लहुभूए अगंथे वासीतच्छणे अदुढे चंदणाणुलेवणे अरते लेम्मि कंचणम्मि अ समे इहलोए अपडिबद्धे जीवियमरणे निरवकंखे संसारपारगामी कम्मसंगणिग्धायणट्ठाए अब्भुट्ठिए विहरइ । तस्स णं भगवंतस्स एतेणं विहारेणं विहरमाणस्स एगे वाससहस्से विइक्कंते समाणे पुरिमतालस्स नगरस्स बहिआ सगडमुहंसि उजाणंसि णिग्गोहवरपायवस्स अहे झाणंतरिआए वमाणस्स फग्गुणवहुलस्स इक्कारसिए पुव्वण्हकालसमयंसि अट्ठमणं भत्तणं अपाणएणं उत्तरासाढाणक्खत्तेणं जोगमुवागएणं अणुत्तरेणं नाणेणं जाव चरित्तेणं अणुत्तरेणं तवेणं बलेणं वीरिएणं आलएणं विहारेणं भावणाए खंतीए गुत्तीए मुत्तीए तुट्ठीए अजवेणं महवेणं लाघवेणं सुचरिअसोवचिअफलनिव्वाणमग्गेणं अप्पाणं भावेमाणस्स अणंते अणुत्तरे णिव्वाघाए