Aapne Shakahari Manso

Author(s): Atul Doshi
Publisher: Atul Doshi

Page 9

ર. શ્વેત ક્રાંતિઃ
આ બધું કઈ રીતે થયું? શા કારણે થયું? કોણે કર્યું? આજની આ કરુણ પરિસ્થિતિ માટે ફક્ત ખેડૂતો કે દૂધ માટે પશુઉછેર કરવાવાળાઓને દોષ દેવો એ બરાબર નથી. આજના વ્યાપારીકરણના વિષચક્રનો એ લોકો એક નાનો અંશ છે. મોટી ડેરી કંપનીઓ આ ખેડૂતોને વધારે દૂધ મેળવવાના અમાનવીય નુસ્ખાઓ શીખવાડે છે. ભૌતિકવાદની આ દોડમાં નાના ખેડૂતો પણ ઘસડાઈ રહ્યા છે. જે વસ્તુઓનો વપરાશ વધતો જાય છે એનું ઉત્પાદન કોઈ પણ રીતે વધવાનું જ છે અને આ ‘કોઈ પણ રીત’માં પ્રાણીઓનું જીવન નર્ક સમાન બની ગયું છે.
ડેરી ઉદ્યોગની શરૂઆત... પ્રાણીઓ માટે મૃત્યુઘંટ
૧૯૭૦ના વર્ષમાં શ્વેત ક્રાંતિના લીધે ભારતમાં ડેરી ઉદ્યોગની શરૂઆત થઈ અને આથી ભારતમાં દૂધ ઉત્પાદન પ્રવૃત્તિ પર વિદેશી ડેરી ઉદ્યોગ-કંપનીઓની નજર પડવા લાગી. ડેરી ઉદ્યોગે નવી અને કદી ન સાંભળેલી હોય એવી ક્રૂર પદ્ધતિથી દૂધનું ઉત્પાદન વધારવાની શરૂઆત કરી દીધી, પરંતુ એમની ભૂખ ફક્ત દૂધથી સંતોષાવાની નહોતી. દૂધની સાથે સાથે એમની આવક વધારવાનાં બીજાં સાધનો શોધવાનાં ચાલુ થઈ ગયાં. એ માટે એમણે સૌથી સહેલો રસ્તો અપનાવ્યો ‘ઓછા સમયમાં વધારે દૂધ મેળવવું અને દૂધ આપતાં બંધ થાય એવાં પ્રાણીઓને માંસ ને ચામડાં માટે કતલખાનામાં ધકેલી દેવાં.’ બ્રાઈટ ગ્રીન નામની સંસ્થાના રિપોર્ટ મુજબ જ્યારે પણ વિદેશી ડેરી કંપનીઓ કોઈ પણ દેશમાં ડેરી સ્થાપે છે ત્યારે એ દેશમાં કતલખાનાં અને માંસ-ચામડાંની નિકાસની કેવી શક્યતાઓ છે એની તપાસ પહેલાં કરે છે.
આપણે ભારતમાં અમૂલ ડેરી માટે ખૂબ જ ગૌરવ લઈએ છીએ, પરંતુ એના મૅનેજિંગ ડાયરેક્ટરનો લેખ જે ઈકોનોમિક ટાઈમ્સ છાપામાં (૯ ઓગસ્ટ, ૨૦૧૩) આવેલો એમાં એમણે ચોખ્ખું લખેલું: ‘પ્રાણી ઉછેરથી દૂધ અને માંસમાંથી આવક મળે છે.’ એમના કહેવા મુજબઃ ‘ડેરી માટે માંસ એ અગત્યનું આવકનું સાધન છે.’
Peta India નામની સંસ્થાએ Youtube પર મુકેલી વિડિયો જોવાથી આપણને ડેરી ઉદ્યોગની પ્રાણીઓ પરની ક્રૂરતાનો ખયાલ આવશે.
http://www.youtube.com/watch?v=FIkG0wr5fh8.
માંસાહારને અટકાવવા માટે એક વાક્ય વારંવાર વપરાય છેઃ ‘તલખાનાને જો કાચની દીવાલ હોય તો દરેક વ્યક્તિ શાકાહારી બની જાય.' માંસાહારી વ્યક્તિ પા કતલખાનામાં થતાં સંહારને ન જોઈ શકે. આવી જ રીતે, શાકાહારી લોકો પણ જો ડેટીઓમાં ચાલતા પ્રાણીઓ પરના અત્યાચારને જોઈ અને જાણી લે તો દૂધનો વપરાશ કરતા પહેલાં ૨૦૦ વાર વિચાર કરે.
૦૫