Book Title: Aapne Shakahari Manso
Author(s): Atul Doshi
Publisher: Atul Doshi

View full book text
Previous | Next

Page 38
________________ ૩૪ ૫. અહિંસક વસ્તુઓનો વપરાશઃ ...શું આપણને આ ખયાલ છે ખરો ... માંસ ઉદ્યોગને પ્રાણીઓના શરીરના અવયવમાંથી થતી આવકનું પ્રમાણ બહુ જ વધારે છે અને એના લીધે માંસ ઉદ્યોગનો વિકાસ બહુ ઝડપી થયો છે. ♦ આપણી જરૂરિયાતો (જે જીવન જરૂરિયાતો નથી)ની વસ્તુઓ જેવી કે સૌંદર્ય પ્રસાધનો (Cosmetics), સાબુ, ટૂથપેસ્ટ, બિસ્કિટ, બૅકરી પ્રોડક્ટ્સ, જામ, ચીઝ, ચૉકલેટ, વગેરેમાં પ્રાણીઓનાં હાડકાંનો પાવડર, જિલેટીન, ચરબી, NOW CRUEL COSMETICS મટન ટેલો, ઈંડાં, વાછરડાનું રેનેટ, ઈત્યાદિ પ્રાણીજન્ય વસ્તુઓનો ઉપયોગ થાય છે. દવાઓની ચકાસણી અને એને બનાવવા માટે લાખો પ્રાણીઓને રિબાવવામાં આવે છે અને એમની હત્યા થાય છે. મીઠાઈઓ અને ધાર્મિક ક્રિયામાં વપરાતા વરખમાં કુમળા વાછરડાની ચામડીનો ઉપયોગ થાય છે. ફક્ત ૧૦૦ ગ્રામ સિલ્ક માટે ૧૫૦૦ રેશમના કીડાને ગરમ પાણીમાં ઉબાળીને મારવામાં આવે છે. વૂલન, ફર, હેર બ્રશ, પેઈન્ટ બ્રશ બનાવવા માટે પ્રાણીઓને ખૂબ જ વેદના આપીને વાળ ખેંચી કાઢવામાં આવે છે. પ્રાણીઓ રિબાયને મૃત્યુ પામે છે. હાથીદાંત (Ivory) માટે હાથીઓને પીડા આપવામાં આવે છે અને ઘણી વાર ફક્ત એના માટે હાથીની હત્યા કરવામાં આવે છે. માછલીના પેટને ચીરીને મોતી (Pearl) કાઢવામાં આવે છે. લાખ (ઝાડમાંથી નીકળતો લાલ રંગનો પદાર્થ)ઃ ને વાપરવાથી લાખો નાના જીવડાનો ભોગ લેવાઈ જાય છે. મધઃ મધમાખીઓને મારીને મધ મેળવવામાં આવે છે. દેહદાન-ચક્ષુદાન: આપણામાંથી માત્ર બહુ થોડા મનુષ્ય જ મૃત્યુ પછી દેહદાન કે ચક્ષુદાનનો વિચાર કરે છે, જ્યારે પ્રાણીઓના દરેક અવયવનું તો જબરદસ્તીથી જીવતાં જીવ જ દાન થઈ જાય છે.

Loading...

Page Navigation
1 ... 36 37 38 39 40 41 42 43 44 45 46 47 48