________________
નામ આપો અને તે ગ્રંથની દરરોજ એક ગાથા ગોખવાની બાધા આપો. જે દિવસે ગાથા ન થાય તેના બીજા દિવસે ઘી નહી ખાવાની પ્રતિજ્ઞા આપો .
ગુદેવે ઇન્દ્રવદનને વૈરાગ્ય કલ્પલતા નામનો મહોપાધ્યાય યશોવિજયજી મ.સા. એ બનાવેલા ગ્રંથનો પ્રથમ તબક જે ર૬૯ શ્લોકનો છે તે ગોખવાની બાધા આપી.
ઇન્દ્રવદન આખા દિવસમાં ક્યારેક એક ગાથા પણ કંઠસ્થ ન કરી શકતો અને તેને ઘી બંધ રહેતું. આના કારણે તો ઇન્દ્રવદન, પિતા શ્રી કાન્તિભાઈના ગુસ્સાનો ભોગ બનતો હતો.
આવા પોતાના જાત અનુભવથી ઇન્દ્રવદનને ગુરુદેવની પફખીસૂત્ર ગોખવાની વાત ગળે ન ઉતરી. તે ગોખવાનું શરૂ નથી કરતો. તે જ દિવસે બપોરે પુનઃ ઇન્દ્રવદન ગુરુદેવશ્રીના દર્શન-વંદન માટે જાય છે. ગુરુદેવશ્રી તરત જ પુછે છે. “દોસ્ત ! કેટલી ગાથા ગોખી?” ઈન્દ્રવદન હસતા હસતા પગ દબાવતા મહારાજજીને કહે છે, શરૂ જ નથી કર્યું. “ગુરુદેવ ! મારી શક્તિ બહારની વાત છે.” કીડીના માથે અંબાડી ન મૂકાય !! અને ઈન્દ્રવદન મહારાજજીના ખોળામાં માથું મૂકી દે છે. ત્યાં મહારાજજી સહજતાથી પોતાનો હાથ ઈન્દ્રવદનના માથા ઉપર ફેરવે છે અને આ સ્પર્શ ઈન્દ્રવદનના દોઢ અબજ સેલને આંદોલિત કરે છે. આ કેવલ વ્હાલનો સ્પર્શ ન હતો આ તો ઈન્દ્રવદનને ચન્દ્રશેખર વિજય બનાવનારો, શક્તિપાત હતો.
મહારાજજી પુનઃ તેમના સુપ્રસિદ્ધ સ્મિત સાથે ઇન્દ્રવદનને સમજાવે છે. અરે ! ભલા મારી વાત માન. હજુ તારી પાસે પંદર સોળ કલાક છે. જા ઘરે જઈને બેસી જા. સવાર સુધીમાં પખી સૂત્ર ગોખાઈ જશે અને મહારાજજી કહે છે “લાવ હું તને વાસક્ષેપ નાંખી આપું”.
આ એક ઋષનો એક શિષ્યમાં, શક્તિપાત હતો. મહારાજજીએ પોતાની વિશુદ્ધ ચેતનાશક્તિનું ઇન્દ્રવદનમાં આરોપણ કર્યું.
