________________ 58) બીજુ તપોવન સાબરમતીમાં.... ગુજરાતમાં ગૌવંશ પ્રતિબંધના પ્રયત્નોને સફળતા મળી તેને લીધે ગુરૂદેવ ખૂબ જ પ્રસન્ન હતા છતાં ભારતીય પ્રજા અને તેમાંય ખાસ કરીને જૈન સંઘની યુવા પેઢીની સ્થિતિને જોતા તેઓ અતિ ચિંતિત હતા. 2049 નું ચાર્તુમાસ આંબાવાડી-અમદાવાદમાં હતું. નવસારી તપોવન તેનું કાર્ય કરતું હતું પણ ચન્દ્રશેખર મહારાજને સંતોષ ન હતો. તેમનો મંત્ર હતો “દે દોટ સમંદરમાં રામલો રાખણનાર’ આંબાવાડી તે સમયે અમદાવાદનો વાલકેશ્વર જેવો એરિયા ગણાતો હતો. પ્રવચનમાં અમદાવાદ નજીક બીજુ તપોવન બનાવવાનો વિચાર વહેતો મૂક્યો. નવસારી તપોવનની અમુક પ્રકારની મર્યાદાઓને લીધે તે તપોવન દ્વારા તેજસ્વી બાળકો તૈયાર કરવા દુષ્કર છે. તેથી અમદાવાદ નજીક તપોવન વધુ પરિણામ દર્શી, વધુ બાળકોને સંસ્કરણ આપી શકે. તેવું તેમનું માનવું હતું. તેથી પ્રવચનમાં જાહેરાત કરી કે “કાંઈ શ્રીમંત વ્યક્તિ અમને 20 એકર જેટલી જમીનનું દાન આપે, તો અમે બાકીનું કાર્ય પૂર્ણ કરીએ.” પ્રવચનની આ વાત સાંભળી અજયભાઈ મહેન્દ્રભાઈ શાહ ગુરૂદેવ પાસે આવ્યા અને તેમણે જમીનના દાનની ઓફર કરી. અજયભાઈની ઉદારતાને ધ્યાનમાં લઈ વિ.સં. ૨૦૫૦ના સાબરમતી ખાતેના ચાતુર્માસ દરમ્યાન પૂ. ગુરુદેવ યોગેશને મુંબઈથી બોલાવે છે. અને બીજુ તપોવન સાબરમતી-ગાંધીનગર વચ્ચે થાય તેવી ભાવના વ્યક્ત કરે છે. સાબરમતીથી પાંચ જ કી.મી. દૂર યોગેશ-લલિતભાઈ-અજયભાઈ આદિ તપોવન માટે જમીન નક્કી કરીને સાંજે સાબરમતી પૂ. ગુરુદેવને સમાચાર આપવા આવે છે. જમીનના દાતા અજયભાઈની વિનંતી હતી કે “તપોવન માટે જમીન નક્કી કરી છે તો આપ પણ - પધારો.” પૂ. ગુરુદેવ કહે છે. 145
