________________
મહાસાગરથી ઉભરાવા લાગ્યા. કેવલ અડધા કલાકના સમયમાં કાર્યકરોએ ગોઠવેલી વ્યવસ્થા, આસ્થાના ઘોડાપુર સામે વિખેરાવા લાગી અને સરકારનું પોલીસતંત્ર કામે લાગ્યું. અમદાવાદે ઘણાં કાલધર્મો જોયા. ઘણાં નેતાઓની વિદાય જોઈ પણ આ વિદાયમાં સ્વયં અમદાવાદના શ્વાસ સુધાતા હોય, તેવો અહેસાસ થયો. ર૫-૩૦ દિવસથી જે વરસાદની રાહ જોવાતી હતી તે વરસાદ શરુ થયો. મહાપુરુષોનું આગમન આનંદ પ્રદ હોય. પણ આજે તો મહાપુરુષની વિદાય પણ જગતના જીવોની શાતામાં નિમિત્ત બની.
ગુજરાતના મુખ્યમંત્રી નરેન્દ્રભાઈને પૂ. ગુરુદેવના કાળધર્મના સમાચાર મળતા જ પૂ. ગુરુદેવશ્રીના પાર્થિવ દેહને શ્રદ્ધાંજલિ અપર્ણ કરવા તેઓ દોડી આવ્યા. નરેન્દ્રભાઈ બોલ્યા “ઘણાં વર્ષો જુનો અમારો સંબંધ આજે તૂટ્યો” શ્રાવણ સુદ-૧૧ ના દિવસે ગુજરાતમાં તમામ કતલખાતા બંધ રાખવાની જાહેરાત કરી. નરેન્દ્રભાઈ બોલ્યા હતા પૂ. ચન્દ્રશેખર મહારાજ અહિંસાના પૂજારી હતા મારું ચાલે તો દેશના કતલખાના બંધ કરાવડાવું પણ તે શક્ય નથી. માટે તેમના માનમાં આપણે એક દિવસ ગુજરાતને અહિંસક બનાવશું. નરેન્દ્રભાઈની વિદાય બાદ અમદાવાદના માનવો પોતાના સ્વજનની વિદાય જેવા આઘાતથી પ્રભાવિત હતા.
કહેવાનું મન થાય પૂ. ગુરુદેવે અંતિમ શ્વાસ ધરતી ઉપર મૂક્યો, તો સામે પૂ.ગુરુદેવ માટેનો અનંત વિશ્વાસ જન-જનની આંખમાં ડોકાવા લાગ્યો. ગુરુદેવ વ્યક્તિ તરીકે વિલીન થયા. પણ માનવા મહેરામણનો ઘસારો જોતા એવો અહેસાસ જરૂર થાય, કે હવે તેઓ લોકોના ઘટ-ઘટમાં વિશ્વાસરૂપે જન્મી ચૂક્યા છે. એક ચન્દ્રશેખર મહારાજ લાખો રૂપે વિશ્વાસ બની પ્રગટ્યા, આ કાળધર્મ કે આ આસ્થા ધર્મ છે.? તે સમજાતું ન હતું. ગુરુદેવ દેહ મુક્ત થયા તેનો આઘાત હતો. તો ગુરુદેવ આસ્થા રૂપે જે જીવંત બનતા દેખાયા તે જોતા આનંદ પણ થાય. સદીના ઈતિહાસમાં આટલી જાજરમાન કે ભાવ સભર વિદાય કોઈ જૈનાચાર્ય સુદ્ધાને કદાચ નથી મળી.
૧૭૮
