________________
૧૦૨
૧00 શિષ્યોની સંઘને ભેટ માળીના મનિપુષ્પો પૂજ્યપાદ ગુરૂદેવશ્રીના આરંભના વર્ષોમાં ચાર કે પાંચ શિષ્યો સાથે ની સંયમ યાત્રા ચાલતી હતી. ગુરૂદેવશ્રી એવું માનતા હતા કે “શિષ્યોની બાબતમાં મારું પુણ્ય પાતળું છે” તેથી ઘણાં મુમુક્ષુઓ તેમની પાસે દીક્ષિત થવા આવતા હતા. પણ તેઓ તેમને અન્યત્ર મોકલી દેતા હતા. આજે એવા. અનેક મહાત્માઓ છે કે જેઓ સ્વમુખે આ સંદર્ભે વાત કરતા કહે કે “ચન્દ્રશેખર મહારાજના પ્રવચનો ના શ્રવણે કે પુસ્તકોના વાંચનના લીધે મારો માહ્યલો જાગ્યો અને હું મહાભિનિષ્ક્રમણના માર્ગે વળ્યો’ આમ તો મારા ગુરૂદેવે તે સુયોગ્ય આત્માઓને વિવિધ સમુદાયના વિવિધ ગુરુઓ પાસે દીક્ષા માટે પ્રેરિત કરીને, ગુરૂદેવે દરેક સમુદાયમાં પોતાનો એકાદ સ્વજન તૈયાર કર્યો છે.
નાના ગ્રુપમાં જ રહીને શાસન સેવાની પ્રવૃત્તિ કરવાની મનોગત વિચારણામાં કડાકો બોલાય છે અને પૂ.ગુરૂદેવ વિ.સ.૨૦૩૬ની સાલથી પુનઃ દીક્ષા આપવાની અને શિષ્યો બનાવવાની શરૂઆત કરે છે. વિ.સં. ૨૦૨૦ની સાલથી વિ.સં.૨૦૩પના નવ વર્ષ દરમ્યાન પૂ.ગુરૂદેવે માત્ર ત્રણ દીક્ષા આપી. હતી. અને વિ.સં. ૨૦૩૬ થી વિ.સં. ૨૦૭૦ સુધીના ૩૪ વર્ષમાં ૯૦ આત્માઓને પ્રભુ મહાવીર દેવની સર્વવિરતિના ધારક બનાવ્યા. આ પણ પૂ.ગુરૂદેવની જિનશાસનને અદ્ભુત ભેટ હતી. ૩૦૦ પુસ્તકોનું સર્જન તે જ્ઞાનપ્રતિભા હતી. પણ શિષ્યોનું સર્જન તો પુણ્યાનું બંધી પુણ્યની પ્રતિભા હતી. આજે આ ૯૯ મહાત્માઓ દ્વારા જિનશાશન સંઘની સેવાના શ્રેષ્ઠ કાર્યો થાય છે. પૂ.ગુરૂદેવે કેવલ શિષ્યો જ તૈયાર કર્યા છે. તેવું નથી આ શિષ્યો તો “ટીમ ઇન્ડિયા” ની જેમ સર્વ ક્ષેત્રોમાં પ્રવીણ શિષ્યોનું જુથ તૈયાર કર્યું છે. આજે પણ ભારતમાં જૈન સંઘોમાં એવી શ્રદ્ધા છે કે
ચન્દ્રશેખર મહારાજના શિષ્યો જો ચાતુર્માસ માટે પધાર્યા હોય તો તે સંઘોને ખોટા બોજા કે અન્ય વિવાદોમાંથી પસાર થવું જ ન પડે. પૂ.ગુરૂદેવશ્રી ના દરેક શિષ્યોને પ્રથમ શિક્ષા એ જ હોય કે સંઘોમાં ક્યારેય વિવાદ ઉભો ન કરશો.”
આવા મુનિપુષ્પો જે જિનશાસનના ચરણે ધર્યા છે તે મુનિપુષ્પોની ગુણ-શક્તિ સુવાસનું અવલોકન કરશું...
૨૨૬
