________________
૯૫
કઠોરતા અને મમતાનું કપલ...
સંયમ પાલન માટે શિષ્યો ઉપર કઠોર થતા પૂ. ગુરુદેવને જોયા છે. તો સમાધિ માટે મમતાની વર્ષા કરતા પણ જોયા છે. ગુરુદેવ એક વાત વારંવાર કહેતા કે “ગુરુ અનુવર્તક હોય” આ પંચાશકની વાત છે. શિષ્યની પાછળ પાછળ વર્તન કરતા જાય, એટલે કે શિષ્યની ઇચ્છાને માન આપી ગુરુ પોતાની ગીતાર્થતા દ્વારા શિષ્યના હૃદયમાં સ્થાન મેળવી લે છે. અને શિષ્ય હૃદય વિજય તે ગુરુની સફલતા છે. બસ હવે શિષ્ય હૃદયમાં ગુરુનું રાજ ચાલશે.
ઈન્દ્રજિત વિજયને ભયાનક ઍક્સિડન્ટ થયો હતો. બેભાન થઈ ગયા હતા. પૂ. ગુરુદેવ સુરત હતા. અને ઈન્દ્રજિત વિજય ધારવાડ(કર્ણાટક) હતા. પૂ. ગુરુદેવને અકસ્માતના સમાચાર મલ્યા અને ગુરુદેવ બેચેન હતા.
પૂ. ગુરુદેવ ઈન્દ્રજિત વિજય સાથે સતત સંપર્કમાં હતા. પરોક્ષ રીતે ઈન્દ્રજિત વિ.ને સમાધિ અને વહાલ વરસાવતા જતા હતા. જેથી ઈન્દ્રજિતવિજય ટકી રહે.
ઈન્દ્રજિત વિજયનું ઑપરેશન ચાલ્યું. જ્યાં સુધી ઑપરેશનની સફલતાના સમાચાર ન આવ્યા ત્યાં સુધી પૂ. ગુરુદેવે મોંમાં પાણી ન નાખ્યું. પૂ. ગુરુદેવ “સવારે ચા ન લે તો માંથુ તૂટી જાય છતાં મમતાના મહાસાગર ગુરુદેવ લગીરે ય ચિંતા કર્યા વિના પાણી વિના પાંચ કલાક રહ્યા હતા.
આ હતી અભિવ્યક્ત મમતા ગુરુ માટે મોટા-મોટા બલિદાન આપનારી ખાનદાન શિષ્ય પરંપરા જિનશાસનમાં ખુબ લાંબી છે. શિષ્ય ગુરુદેવનું માને તે તો નિયમ છે. સહજ છે આમાં શિષ્યનું બલિદાન શું? એવું માનનાર વર્ગ મોટો હોય છે. તેવા સમયે તે ગુરુ તો ધન્યાતિધન્ય છે કે “જે પોતાના શિષ્યો માટે પોતાની જાતને ઘસી શકે છે'' પં. ચન્દ્રશેખર મહારાજ તો પોતાના નાનામાં નાના શિષ્ય માટે આ મમતા ધરાવતા હતા.
૨૧૩
