________________ 59 રાજપુરુષની સંતપુરુષને વિનંતી. સંવત ૨૦૫૧ની સાલ પૂ. ગુરુદેવનું ચાતુર્માસ સુરત કલાસ નગર ખાતે હતું. અતિવૃષ્ટિના કારણે સુરતમાં પુરના પાણી ફરી વળ્યા હતા. પુર ઓસર્યા પછી સુરતમાં પ્લેગ ફાટી નીકળે છે. કૈલાસનગર આદિ વિસ્તારમાં રહેતા ઘનાઢ્ય જેનો, વળી સમગ્ર સુરતના ઘનાઢ્ય જૈનો મહામારીથી બચવા સુરત છોડી રીતસર ભાગવા લાગે છે. જૈનોની 60% વસતિ સુરત છોડીને ચાલી ગઈ હતી. “સુરતમાં પ્લેગ ફાટી નીકળ્યો છે.” આ સમાચાર મુંબઈ ખાતે ચાતુર્માસ બિરાજમાન પૂ. ગચ્છાધિપતિશ્રીને મળે છે. અને ગચ્છાધિપતિને સુરતમાં ચાતુર્માસ પસાર કરી રહેલ સાધુસાધ્વીજી ભગવંતોના દ્રવ્ય-ભાવ પ્રાણની ચિન્તા થાય છે. ગચ્છાધિપતિએ પંન્યાસ ચન્દ્રશેખર મહારાજને આદેશ કર્યો કે સત્વરે સુરત ખાલી કરી તમામ સાધુ-સાધ્વીને લઈને નવસારી તપોવન ચાલ્યા જાઓ. સુરત શહેરમાં અફવા શરૂ થઈ કે “ગચ્છાધિપતિના આદેશથી ચન્દ્રશેખર મહારાજ પણ સુરત છોડી રહ્યા છે.” બીજી તરફ સરકારી તંત્ર સુરતની હીઝરત અટકાવવા જાહેરાત ઉપર જાહેરાત કરે છે કે “પ્લેગના મહામારીને રોકવા તંત્ર યુદ્ધના ધોરણે પ્રયાસ કરી રહ્યું છે. માટે કોઈએ સુરત છોડવાની જરૂર નથી પરિસ્થિતિ સંપૂર્ણ નિયંત્રણ હેઠળ છે. આ સરકારની જાહેરાત ઉપર સુરતીઓને વિશ્વાસ ન હતો. એક બાજુ સુરતના સ્ટેશન-બસ સ્ટેન્ડ લોકોથી ઉભરાતા હતા. હજારો લોકો રોજ સુરત છોડતા હતા. તેથી સરકારી તંત્ર સ્તબ્ધ હતું જ. ત્યાં “ચન્દ્રશેખર મહારાજ પણ સુરત છોડી રહ્યા છે.” તેવા સમાચાર વહેતા થયા. આ સમાચાર સુરત જિલ્લાના કલેકટરને મળે છે. કલેકટર તો ચિન્તિત થઈ જાય છે. જો ચન્દ્રશેખર મહારાજ શહેર છોડશે તો સુરત ખાલી થઈ જશે” તે ડરથી કલેકટર દોડતા પૂ. ગુરુદેવ પાસે આવી જાય છે. અને વિનંતી કરે છે. 147.
