________________
૧૪
સંયમ અને સ્વાધ્યાયના મહાયોગી..
પ્રેમસૂરીશ્વરજી મહારાજ, મુનિ ચન્દ્રશેખરવિજયજીના જીવન રથના સુકાની બને છે. ભાનુવિજયજી મહારાજ, નૂતન મુનિના ગાઈડ બને છે અને પર્મવિજયજી મહારાજ, ચારિત્ર જીવનના સહાયક તરીકેના રોલને કુનેહપૂર્વક ભજવી રહૃાા છે.
ચારિત્ર જીવનના પહેલા જ દિવસથી પળ-પળને, મનો જગતુ ઉપર દોરેલા પ્લાન પ્રમાણે ગોઠવી રહ્યા છે. મુનિ ચન્દ્રશેખરવિજયજીને, પ્રેમસૂરીશ્વરજી મહારાજમાં અપૂર્વ મહાયોગી તરીકેના દર્શન થયા હતા. અનુભવ થયો હતો. તેથી તેમણે ગુની ઇચ્છાને જ જીવન વિકાસનો Map બનાવી દીધો હતો.
ચન્દ્રશેખરવિજયજીને તે ખ્યાલ આવી ગયો કે “મારા ગુરુદેવ કેવલ સ્વાધ્યાય અને સંયમથી પ્રસન્ન થાય છે. ચન્દ્રશેખરવિજયજીએ જબ્બર શાસ્ત્રાભ્યાસની ધૂણી ધખાવી દીધી.
દીક્ષા જીવનના પ્રારંભના ૮-૯ વર્ષમાં મુનિશ્રી ચન્દ્રશેખરવિજયજીએ લગભગ ૨૦ હજાર શ્લોક કંઠસ્થ કર્યા. સંસ્કૃત વ્યાકરણ, સાહિત્ય, ન્યાય અને જૈન આગમોનો તલસ્પર્શી અભ્યાસ કર્યો. શાસ્ત્રાભ્યાસની સાથે સાથે જિનશાસનના અનુપમ ણની અનુભૂતિ સતત થવા લાગી અને તે અનુભૂતિમાંથી જિન શાસનના પ્રસાર-પ્રચાર માટે ભવ્ય-મનોરથો અંતરમાં ઉઠતા ગયા. આ મનોરથો જ ઉગ્ર પુણ્ય બનીને ઉદયમાં આવવા લાગ્યા હશે.
ચન્દ્રશેખરવિજયજી મહારાજના અધ્યાપકો તરીકેની જવાબદારી પંન્યાસજી ભદ્રંકરવિજયજી મ.સા., પંન્યાસજી ભાનુવિજયજી મ.સા. અને મુનિશ્રી ગુણાનંદવિજયજી આદિએ ઉઠાવી હતી, તો સાહિત્ય, ન્યાય આદિના અભ્યાસ માટે પંડિતવર્ય ઈશ્વરચન્દ્રજી તેમજ પંડિતવર્ય દુર્ગાનાથજીએ જમ્બર ભોગ આપેલો.
મહારાજજીની કૃપા મેળવવા, ઢગલાબંધ સ્વાધ્યાય કરવાની અપૂર્વ ભાવનાના જોરે તન તોડ પ્રયાસ ચાલતો હતો. તે પ્રયાસોની કેટલીક ઝાંખી....
