________________
તે દિવસે પાનસરમાં વરઘોડો હતો રથની સાથે ધૂપ-દીપ હતા. પટાંગણમાં ઝાડ ઉપર મોટા મધપૂડા હતા. ત્યાં રથયાત્રા પહોંચે છે. ધુમાડાના કારણે બધી મધમાંખી ઊડવા લાગે છે ત્યાં જ યુવાનો ઉત્સાહમાં નાચી રહ્યા હતા. અને ત્યાં જ હજારો મધમાખીઓનું ભયાનક આક્રમણ થયું. મધમાખીઓના ડંખના આતંક વચ્ચે ખમીરવંતા યુવાનોએ અડગ રહીને શાસન સેવાનો સંકલ્પ કર્યો.
સંસ્કૃતિ રક્ષક દળની પ્રવૃત્તિઓ માટે નીશાપોળ ઝવેરીવાડમાં એક મકાન શેઠશ્રી જીવતલાલ પ્રતાપશીના અનુદાનથી લેવાયું અને પ્રવૃત્તિઓની ભરમાળ શરૂ થાય છે. પ્રવૃત્તિઓનો વ્યાપ વધતો ગયો લલિતભાઇના નેતૃત્ત્વ સાથે અનેક યુવા કાર્યકરો ચંદ્રશેખર મહારાજ સાથે જોડાયા અનુભાઈ, રાજેન્દ્ર શાહ, અમિત શાહ, જીતુભાઈ શાહ (પાછળથી પૂ.પ્રભાકર સૂરીશ્વરજી પાસે દીક્ષા લે છે). બાબુભાઈ ધારશી, મુકેશ પટેલ, હર્ષદભાઈ, લાલભાઈ, ઉષાકાન્તભાઇ આદિ અનેક કાર્યકરોના યોગદાનને લીધે પ્રવૃત્તિઓનો વ્યાપ વધતો ગયો.
यदीय सम्यक्त्व बलात् प्रतिमो, भवादशानां परम स्वाभावः। कुवासना पास विनाशनाय, नमोऽस्तु तस्मै तव शासनाय ।।
અન્ય યોગ વ્યવચ્છેદ દ્વાઢિશિકાનો આશ્લોક પૂ. ગુરુદેવને
પ્રવચનો માટે ખુબ પ્યારો હતો.
