Sumainahchariyam

Author(s): Somprabhacharya, Ramniklal M Shah, Nagin J Shah
Publisher: Prakrit Text Society Ahmedabad

Page 466

४४१
सुमइनाह-चरियं नगर-संकुलो पसाईकओ विसओ । तओ चउहिं पत्तीहि समं पंचप्पयारं विसयसुहं सेवंतस्स वच्चंति वासरा | कयाइ कणगप्पहाए भणिओ कुमारो जहा- कल्लं कुसुमागरुज्जाणे तुम्ह कुमार-दंसणं कारविस्सं ति पडिवज्जिऊण गओ तया जोणगो । बीय-दिणे तत्थगयाए मए न दिहा तुब्भे न य जोणगो, ता को एत्थ परमत्थो ? |
तओ कवडप्पहाणय-जोणगस्स मल्ने कुमुइणी देवी को विएण ताएण देसंतरं कराविओहं ति तं पि कवडमेव काऊण परदेसं ४°गहाविओ । एत्थ वि अलियमेव वोत्तूण पवहणं आरोहाविओ पच्छा जलहिम्मि पक्खित्तो । ता तस्स दरप्पणो पज्जत्तं कहाए । कहा वि पाविहाणं पावहेउ त्ति चिंतिऊण भणियं कुमारेण- तेण अलियवाइणा मह पुरो तं किंपि जंपियं जेणाहं पि तेण समं दीवंतरं पत्थिओ । कणगप्पहाए भणियं- संपयं सो वराओ कहिं ? ति । कुमारेण वुत्तं-तस्स नामं पि न गहियव्वं ।
अह अन्नया निसलो अत्थाणे सुहड-कोडि-संकिल्लो । विनत्तो पडिहारेण भू-नमिय-मउलिणा कुमरो ||३०३०।। देव ! दुवारे चिहइ सिरि-सूरनरिंद-पेसिओ पुरिसो । कुसलमई नामेणं को आएसो हवइ तस्स ? ||३०३१|| मुंच तुरियं ति वुत्ते तेण स मुक्को समागओ तत्थ । उवलक्खिऊण कुमरेण तोस-परितोसमुवगूढो ||३०३२।। उचियासणे निसलो पुट्ठो कुमरेण सो कुसलवत्तं । सिरि-सूरराय-कमलिणिदेवी-पमुहस्स लोयरस ||३०३३|| पुढेण तेण कहियं कुसलं सव्वं पि कुमर ! तुह रज्जे । एयं चेव अकुसलं दीससि नयणेहिं जं न तुमं ||३०३४|| नूणं नयराओ तओ पुरोहियं तुज्डा निग्गयं सोक्खं । अन्नह सुही कह तुमं नयरं च दुहेण अक्वंतं ? ||३०३५।। तुह विरहे रुयमाणीए कमलिणीए कुमार ! देवीए । घोरंसुएहिं घण-निवडिरेहिं हाराइयं हियए ! ||३०३६|| बाहजल-भरिय-नयणो सुन्न-मणो मुक्क-दीह-नीसासो । तुह विरह-दुक्खमेयं दिव्ववसा सहइ देवो वि ||३०३७।।
For Private & Personal use only. .