Sumainahchariyam

Author(s): Somprabhacharya, Ramniklal M Shah, Nagin J Shah
Publisher: Prakrit Text Society Ahmedabad

Page 515

४१०
सिरिसोमप्पहसूरि-विरइयं जं कवडवावडेहिं मए परं वंचिऊण थेवं पि । गहियं धणं अदिग्नं मिच्छा मे दुक्कडं तस्स ||३४१०।। दिव्वं व माणुसं वा तेरिच्छं वा सरागहियएणं । जं मेहुणमायरियं मिच्छा मे दुक्कडं तस्स ।।३४११|| जं धण-धन्न-सुवन्न-प्पमुहम्मि परिग्गहे नवविहे ति । विहियं मए ममत्तं मिच्छा मे दुक्कडं तस्स ||३४१२।। जं राईभोयण-विरमणाइ-नियमेसु विविहरुवेसु । खलियं मह संजायं मिच्छा मे दुक्कडं तस्स ||३४१३।। बाहिरमभिंतरयं तवं दुवालसविहं जिणुद्दिडं । जं सत्तीए न कयं मिच्छा मे दुक्कडं तरस ||३४१४|| जोगेसु मोक्खपय-साहगेसु जं वीरियं न य पउत्तं । मण-वाया-काएहिं मिच्छा मे दुक्कडं तस्स ||३४१५|| • पाणाइवायविरमण-पमुहाई तुमं दुवालस-वयाई । सम्मं परिभावंतो भणसु जहागहिय-भंगाई ||३४१६।। खामेसु सव्व-सत्ते खमेसु तेसिं तुमं वि गयकोवो । परिहरिय-पुव्ववेरो सव्वे मित्ते त्ति चिंतेसु ||३४१७।। पाणाइवायमलियं चोरिक्वं मेहुणं दविण-मुच्छं । कोहं माणं मायं लोहं पेज्जं तहा दोसं ||३४१८।। कलहं अब्भक्खाणं पेसुल्नं अरइ-रइ-समाउत्तं । पर-परिवायं माया-मोसं मिच्छत्त-सल्लं च ||३४११।। वोसिरसु इमाइं मोक्ख-मग्ग-संसग्ग-विग्घभूयाई । दुग्गइ-निबंधणाई अहारस-पावहाणाइं ||३५००।। चउतीस-अइसय-जुया जे केवलनाण-मुणिय-परमत्था । सुरविहिय-समोसरणा अरहंता मज्ा ते सरणं ।।३५०१|| चउविह-कसाय-चत्ता चउवयणा चउप्पयार-धम्मकहा । जे चउगइ-दुह-दलणा अरहंता मज्डा ते सरणं ||३५०२।। जे अह-कम्म-रहिया अट्ठ-महापाडिहेर-पडिपुन्ना । अह-मयहाण-विरया अरहंता मज्या ते सरणं ।।३५०३।।