Sumainahchariyam

Author(s): Somprabhacharya, Ramniklal M Shah, Nagin J Shah
Publisher: Prakrit Text Society Ahmedabad

Page 529

५०४
सिरिसोमप्पहसूरि-विरइयं भोत्तूण तत्थ अक्खंड-सोक्खमाउक्खए तओ चविउं । धाईसंडे पुग्विल्ल-मंदरासन्न-विजयम्मेि ||३५८३।। अमरावईपुरीए सिरिसेण-निवस्स सुजस-भज्जाए । गय-वसहाइ-चउद्दस-सुविणय-पायडिय-चक्विपओ ||३५८४।। सो देवसेण-देवो पियंकरो नाम नंदणो होही । देवी-जीवो पुण सुमइ-मंति-पुत्तो य पियमित्तो ||३५८५।। पुव्व-भवब्भासवसेण ताण होही परोप्परं पीई । अह सिरिसेणो दहुं जरा-वियारं निय-सरि ||३५८६।। चिंतिस्सइ जस्स कए विवेय-वियलेहिं कीरए पावं | तं पि अधुवं सरीरं तम्हा धम्मो धुवो सरणं ||३५८७।। तत्तो रज्जे ठविउं पियंकरं गेण्हिही सयं दिक्खं । कय-तिव्व-तवच्चरणो लहिही कालेण निव्वाणं ॥३५८८।। होही कमेण चक्की पियंकरो विजिय-विजय-छक्खंडो । पियमित्तो मंति-सुओ इमरस मंतित्तणं काही ॥३५८१।। सेणावइ गाहावइ पुरोहिय गय तुरय वडइ इत्थी ।
चक्वं छत्तं चम्मं मणिकागिणि खग्ग दंडो य ||३५१०।।
पुग्विल्लाणं सत्तण्हं पंचिदियाणं पच्छिमाणं सत्तण्हं एगिंदियाणं रयणाणं
नेसप्प पंडुए पिंगले य सव्व-रयणे य महापउमे । काले य महाकाले माणवग महानिही संखे ।।३५११|| इमाणं नवण्हं निहीणं, सोलसण्हं अंगरक्ख-सहस्साणं, बत्तीसाए मउडबद्ध-रायसहस्साणं, बत्तीसाए रायकला-सहस्साणं, बत्तीसाए जणवयधूया-सहस्साणं, बत्तीसाए नाडय-सहस्साणं, तिण्हं तेसहाणं सूवयार-सयाणं, अहारसण्हं से णिप्पसेणीणं, पत्तेयं चउरासीए करितुरय-रह-लक्खाणं, छन्नवईए पायक-कोडीणं, बत्तीसाए जणवयसहस्साणं, नवनवईए दोणमुह-सहस्साणं, अडयालीसाए पट्टणसहस्साणं, चउवीसाए कवड्ड-सहस्साणं, चउवीसाए मडंब-सहस्साणं, चउवीसाए आगर-सहस्साणं, सोलसण्हं खेड-सहस्साणं, चउद्दसण्हं संवाह-सहस्साणं, छन्नवईए गाम-कोडीणं, छप्पन्नाए अंतरोदगाणं,